Vogtigheidsmeter
'n Vogtigheidsmeter is 'n instrument waarmee die waterinhoud van 'n voorwerp of medium bepaal word. Die voginhoud van mure moet byvoorbeeld na vloedskade bepaal word voordat herstelwerk begin kan word.[1] Die voginhoud van landerye word soms gemeet om besproeiing effektief toe te pas en nie onnodige water te mors nie.[2]
Grondvogmeter
[wysig | wysig bron]'n Grondvogmeter bepaal die hoeveelheid water in die grond.[3] Vir direkte meting moet die grond uitgegrawe, gedroog en geweeg word. Daarteenoor gebruik grondvogmeters eerder indirekte metodes, soos elektriese weerstand, die diëlektriese konstante of interaksie met neutrone. Vir afstandswaarneming in hidrologie en landbou kan gedeflekteerde mikrogolfbestraling gemeet word. Die verhouding tussen die gemete eienskap en die grondvog moet gekalibreer word, en hang van omgewingsfaktore soos die grondtipe, temperatuur en elektriese geleiding af. Draagbare instrumente is ook vir boere en tuiniers beskikbaar.
Higrometer
[wysig | wysig bron]'n Higrometer is 'n toestel waarmee lugvog (die humiditeit van die atmosfeer) gemeet word. 'n Psigrometer is 'n tipe higrometer wat uit 'n droë-bol en 'n nat-bol termometer bestaan.
Verwysings
[wysig | wysig bron]- ↑ Eiendomskade en versekering: Wat jy moet weet oor assessors Geargiveer 11 November 2015 op Wayback Machine, Die Burger, 16 April 2005
- ↑ Spesiale Fokus – Besproeiing: Hou oog op grondvog en spaar water Geargiveer 11 November 2015 op Wayback Machine, Landbouweekblad, 7 Maart 2014
- ↑ Arnold, James E. "Soil Moisture". NASA. Besoek op 15 Junie 2015.[dooie skakel]
