Volkswagen Beetle

Volkswagen Tipe 1

1966 Volkswagen Beetle
Oorsig
Vervaardiger Vlag van Duitsland Volkswagen
Ook genoem "Beetle",[1] "Super Beetle",[2] Käfer[3] "Bug", "Superbug" [4]
Produksie 1938–2003: 21,529,464
Montering Wolfsburg, Hannover, Emden,
Ingolstadt, Osnabrück, Duitsland
Melbourne, Australië
Brussels, België
São Bernardo do Campo, Brasilië
Jakarta, Indonesië
Dublin, Ierland, Puebla, Meksiko
Auckland, Nieu-Seeland
Lagos, Nigerië
Manila, Filippyne
Uitenhage, Suid-Afrika
Sarajevo, Bosnië en Herzegowina
SFR Yugoslavia, Valencia, Venezuela[5]
Bakwerk en onderstel
Klas ekonomiese motor
Bakstyl 2-deur sedan
2-deur afslaankap
Uitleg Agterenjin, agterwielaandrywing
Spesifikasies
Enjin(s) 1.1 L; 1.2 L; 1.3 L; 1.5 L; 1.6 L platviersilinder
Ratkas 4-gang handrat trans-as
4-gang semi-outomatiese Saxomat (vanaf 1961)
3-gang semi-outomatiese Autostick (1967–76)
Plek in geskiedenis
Opvolger Volkswagen New Beetle
Montering van die Volkswagen Beetle te Wolfsburg, Duitsland.

Die Volkswagen Beetle, amptelik die Volkswagen Tipe 1, of informeel die Volkswagen Kewer, is 'n tweedeur-, vierpassasier-, agterenjin- ekonomiese motor vervaardig en bemark deur die Duitse motorvervaardiger Volkswagen (VW) van 1938 tot 2003.[6] Die behoefte aan hierdie soort motor en sy funksionele doelwitte, is deur Adolf Hitler, die leier van Nazi-Duitsland, geformuleer, wat 'n goedkoop, eenvoudige motor gesoek het om in massa te produseer vir die nuwe padnetwerk van sy land. Hy het Porsche in 1934 gekontrakteer om dit te ontwerp en te bou volgens sy streng standaarde.[7] Ferdinand Porsche en sy span het tot 1938 geneem om die ontwerp te finaliseer.[7] Dit is een van die eerste agterenjin-motors. Met meer as 21 miljoen vervaardig (21 529 464)[8] in 'n lugverkoelde, agterenjin-, agterwielopset, is die Beetle die langste en mees vervaardigde motor van 'n enkele ontwerpplatform ter wêreld.

Geskiedenis

[wysig | wysig bron]

Voorgeskiedenis

[wysig | wysig bron]

Die Kewer was 'n kombinasie van idees wat deur Ferdinand Porsche saamgevoeg is. Hy is deur Adolf Hitler opdrag gegee om 'n motor vir die mense te maak. Groot dele van die motor is egter nie deur Porsche ontwerp nie, maar deur Béla Barényi en / of Erwin Komenda. Albei beweer dat hulle die oorspronklike uitvinder van die konsep is. Volgens ander was die Hongaarse Jood Josef Ganz die ontwerper.[9][10] Tans bly dit onduidelik wie die werklike uitvinder van die "Kewer"-konsep was.

Die kenmerkende viersilinder-boksermotor van die Kewer, wat agter in die motor geplaas is, is deur Franz Reimspiess ontwerp. Hitler het dit moontlik gemaak om met produksie te begin, maar weens die oorlogsbedryf was daar weinig geleentheid om die Kewer as 'n openbare motor voor te stel. Die konsep is meer gebruik vir propaganda-doeleindes. Eers ná die oorlog het die produksie regtig op dreef gekom. Die eerste prototipes het geen agterruit gehad nie. Tydens die toetsing is hieroor gekla en twee klein vensters is aangebring. Die ruitjies het 'n bietjie soos die lense van 'n bril gelyk, en daarom word die eerste kewers 'Brilkewers' genoem.

Wolfsburg

[wysig | wysig bron]

Na die Tweede Wêreldoorlog was die Volkswagen-fabriek en die "Stadt des KdF-Wagens" in die Britse deel van Duitsland. Die Britse majoor Ivan Hirst hervat die produksie van motors grootliks vir oorlogherstelbetalings. Die pleknaam is verander na Wolfsburg, na die nabygeleë kasteel. Later is die onderneming Volkswagen genoem. Heinz Nordhoff word in 1948 direkteur.

Verwysings

[wysig | wysig bron]
  1. ↑ "Full line". The samba (brochure) (in Engels). Kanada. 1970. Geargiveer vanaf die oorspronklike op 19 Augustus 2019. Besoek op 1 Junie 2011.
  2. ↑ "Super Beetle Sedan and Convertible". The samba (sales brochure) (in Engels). US. 1971. Geargiveer vanaf die oorspronklike op 7 Mei 2019. Besoek op 1 Junie 2011.
  3. ↑ "Super Beetle". The samba (brochure) (in Duits). 1973. Geargiveer vanaf die oorspronklike op 31 Desember 2019. Besoek op 3 Junie 2011.
  4. ↑ "Australian Volkswagens", www.clubvw.org.au
  5. ↑ "1973 Volkswagen Super Escarabajo (VE)". Dkarros. Geargiveer vanaf die oorspronklike op 10 Julie 2011. Besoek op 30 September 2010.
  6. ↑ – Scott Faragher (10 Mei 2005). Porsche The Ultimate Guide. Krause Publications. p. 7. Geargiveer vanaf die oorspronklike op 5 Oktober 2013. Besoek op 9 Augustus 2013.
  7. ↑ 7,0 7,1 Jonathan Wood (2003). The Volkswagen Beetle. Osprey Publishing. pp. 3–5. Geargiveer vanaf die oorspronklike op 2 Desember 2013. Besoek op 9 Augustus 2013.
  8. ↑ Clodfelter, Tim (2 Maart 2010). "The Bug Doctor: Former dealership mechanic opened a shop to work on VWs in 1973 and never looked back". Winston-Salem Journal. Besoek op 2 Maart 2010.
  9. ↑ 'Oer-Duitse' Kever werd ontworpen door... Jood, De Standaard, 2009-09-05.
  10. ↑ Paul Schilperoord: Het ware verhaal van de Kever. Uitg. Veen Magazines, Diemen, 2009. 320 p. ISBN 978-90-8571-091-2.

Eksterne skakels

[wysig | wysig bron]