Volt Europa
| Volt Europa | |
| Volt | |
.jpg){kind=logo}
| |
| Leier | Damian Boeselager |
|---|---|
| Gestig | 28 Oktober 2018 |
| Ideologie | Europese federalisme |
| Amptelike kleure | Pers |
| Webblad | www |
Volt Europa is 'n pan-Europese politieke organisasie wat nastreef om 'n enkele Europese politieke party te word. Dit het afdelings in 30+ Europese lande, binne maar ook buite die EU, en het deelgeneem aan verkiesings in 'n aantal Europese lande.
Die beweging het sy ontstaan aan Brexit te danke.Die verkiesings vir die Europese Parlement in 2019 was die eerste ene waaraan hulle deelgeneem het. Hulle het een setel in Duitsland verower en Damian Boeselager het Europees parlementslid geword. Later het hulle 3 lede in die Nederlandse Tweede Kamer en een in die Bulgaarse parlement gekry en talle lede van munisipale of regionale liggame veral in Nederland, Duitsland en Italië maar ook een in Portugal en een in Griekeland.[1]
Volt wil 'n federale Europese party wees wat die eenwording van Europa en die omvorming van die huidige EU in 'n federasie nastreef. Een van die probleme wat hulle in die huidige Europese demokrasie bekritiseer is dat in alle 27 lande van die unie verskillende partye deelneem. Die totale aantal deelnemende partye is dus baie groot, meer as driehonderd, met akronieme in 24 verskillende tale. Die verkiesing is steeds baie nasionaal en nie regtig Europees nie en kiesers kan die uitslae nouliks verstaan. Volt stel dat die nasionale partye hulle limiet in Europa bereik het.[2]
Maar die party is nie net op Europese vlak aktief nie. Hulle wil ook op nasionale, regionale en munisipale vlakke die populisme teenstaan.
Europese verkiesings
[wysig | wysig bron]In 2019 het Volt net een setel uit Duitsland in die Europese Parlement gewen. In 2024 het dit vyf geword, twee uit Nederland en drie uit Duitsland.[3]
