Wikimapia

WikiMapia
Tipe webblad kollaboratiewe kartering
Taal(e) verskeie
Registrasie Opsioneel
Outeur Alexandre Koriakine en Evgeniy Sawelief
Opgerig 24 Mei 2006
Huidige status Aktief
URL www.wikimapia.org

WikiMapia is 'n Web 2.0 projek waarmee plekke en geboue oor die hele aarde etiketteer en beskryf kan word. Dit is ontwikkel deur die Russe Alexandre Koriakine en Evgeniy Saveliev, en was geïnspireer deur Google Maps en Wikipedia.

Beskrywing

[wysig | wysig bron]

WikiMapia laat enige besoeker met 'n webblaaier toe om kaarte van Google Maps te besigtig waarop plekke en geboue met reghoeke (of eerder polygons) aangedui is. Die tekskassie bevat inligting oor die plek, bv. die korrekte naam en of dit bv. 'n skool, kerk of winkelsentrum is en 'n skakel na wikipedia. Geregistreerde gebruikers kan huidige inligting aanlyn opdateer, regstel of aanvul; of nuwe plekke met 'n buitelyn merk op die kaart en inligting in die tekskassie voeg. Die nuut ingevoerde plekke word dadelik gepubliseer wanneer die gebruiker dit stoor op die webblad.

Die inligting word ook in verskillende tale gestoor, selfs Afrikaans (AF) word ondersteun. Die sagteware hou selfs statistiek, per gebruiker, van hoeveel nuwe plekke gemerk is en die lengte van paaie, spoorlyne en riviere al gemerk is deur die gebruiker op WikiMapia.

Integrasie met Google Earth en GPS-stelsels is ook moontlik.

Groei en gewildheid

[wysig | wysig bron]

WikiMapia het snel gegroei sedert sy bekendstelling op 24 Mei 2006.

  • 1 Miljoen plekke beskryf: 16 Augustus 2006[1]
  • 2 Miljoen plekke beskryf: 22 November 2006
  • 3 Miljoen plekke beskryf: 8 Maart 2007
  • 4 Miljoen plekke beskryf: 25 Junie 2007
  • 5 Miljoen plekke beskryf: 9 Oktober 2007
  • 6 Miljoen plekke beskryf: 24 Januarie 2008
  • 7 Miljoen plekke beskryf: 17 Mei 2008
  • 8 Miljoen plekke beskryf: 2 Augustus 2008
  • 10 Miljoen plekke beskryf: 6 Mei 2009
  • 13 Miljoen plekke beskryf: 22 Julie 2010
  • 14 Miljoen plekke beskryf: 16 Desember 2010
  • 15 Miljoen plekke beskryf: 22 April 2011
  • 16 Miljoen plekke beskryf: 10 Augustus 2011
  • 17 Miljoen plekke beskryf: 8 Desember 2011
  • 18 Miljoen plekke beskryf: 29 Februarie 2012
  • 19 Miljoen plekke beskryf: 14 Julie 2012
  • 22 Miljoen plekke beskryf: Oktober 2013
  • 23 Miljoen plekke beskryf: Mei 2014
  • 24 Miljoen plekke beskryf: Januarie 2015
  • 25 Miljoen plekke beskryf: 5 Augustus 2015
  • 26 Miljoen plekke beskryf: 29 Maart 2016

Verhouding met Wikipedia

[wysig | wysig bron]

Hoewel WikiMapia deur Wikipedia geïnspireer is, is daar geen amptelike bande tussen die twee projekte nie. Tog skakel baie Wikipedia gebruikers hulle artikels na WikiMapia. Punte van verskil sluit in: die gebruik van gelisensieerde beelde (via Google Maps) en die ontbrekende lisensie op hulle plekbeskrywings (die GNU-lisensie word op Wikipedia gebruik).

Kaartfoute

[wysig | wysig bron]

WikiMapia verkry hulle kaartinligting by Google Maps, maar daar het ernstige verskuiwingsfoute ingesluip (tydens die laaste opdatering). Sien voorbeeld: Kaart-Fout (van omtrent 50m!! - gemeet met "Geo Tools") Dit kan groot probleme veroorsaak, omdat ALLE merkers wat vooraf geplaas was nou op 'n verkeerde posisie gaan staan! Sou daar nou korreksies deur die gebruikers gemaak word wat inligting oorspronklik geplaas het, sal dit weer verkeerd wees indien Google Maps aan hulle kant die kaarte se oorvleueling probeer herstel.

Voorbeelde

[wysig | wysig bron]

Eksterne skakels

[wysig | wysig bron]

Refensies

[wysig | wysig bron]
  1. ↑ one million localities (Engels)