Wildau

Wildau

Kaart Wapen
Vlag
 Land Vlag van Duitsland Duitsland
 Deelstaat Brandenburg
 Distrik Dahme-Spreewald
 Koördinate 52°19′N 13°38′O / 52.317°N 13.633°O / 52.317; 13.633
 Stigting 1375 (eerste verwysing)
 Stadstatus 1 April 2013
 Oppervlakte:  
 - Totaal 9,09 vk km
 Hoogte bo seevlak 45 m
 Bevolking:  
 - Totaal (30 November 2012) 9 924[1]
 - Bevolkingsdigtheid 1 092/vk km
 Tydsone UTC +1 (MET)
 - Somertyd UTC +2 (MEST)
 Klimaat  
 - Tipe Gematigde klimaat
 Burgemeester Uwe Malich (Die Linke)
 Amptelike Webwerf wildau.de

Wildau is 'n stad in die distrik Dahme-Spreewald van die Duitse deelstaat Brandenburg met 'n oppervlakte van 9,09 vierkante kilometer en 'n bevolking van 9 924 (soos op 30 November 2012). Die huidige stad behels die historiese dorpskern Hoherlehme en die nuwe stadskern van Wildau. Op 1 April 2013 het Wildau amptelik 'n stad geword.[2]

Wildau staan veral bekend vir sy Technische Fachhochschule (Tegnikon), die werkerskwartier Schwartzkopffsiedlung wat tot nasionale monument verklaar is, die winkelsentrum A10-Center digby die snelweg A10 (een van die grootstes in die metropolitaanse gebied van Berlyn) en sy voormalige swaar nywerheid.

Geografie

[wysig | wysig bron]
Die ligging van Wildau

Wildau is naby die suidoostelike stadsrand van Berlyn teen die helling van die Teltow-plato geleë. Die stad word in die ooste deur die Dahme-rivier begrens wat sy naam aan die hele streek verleen het en naby die Berlynse stadsdeel Köpenick in die Spree-rivier uitmond.

Die huidige stad behels twee kerne - die historiese dorpskern van Hoherlehme en die moderne Wildau wat eers in die nywerheidstydperk ontstaan het.

In die suide en ooste grens Wildau aan die voormalige distrikshoofstad Königs Wusterhausen en in die noorde aan die dorp Zeuthen. In die weste word Wildau deur 'n bosryke gebied van die aangrensende dorp Schönefeld geskei.

Geskiedenis

[wysig | wysig bron]
Die Schwartzkopffsiedlung
Die Technische Fachhochschule

Die sogenaamde Landboek van Karel IV uit die jaar 1375 bevat die eerste geskiedkundige verwysing na die dorp Hoherlehme wat in dié bron onder die Latynse naam Alta Lomen gelys word. Die dorp was destyds regstreeks aan die Dahme-rivier geleë. Die eerste menslike nedersettings in die gebied het egter al vroeër ontstaan - die oudste argelogiese vondse dui daarop dat mense hier al in die Steentydperk tussen sowat 2000 en 700 v.C. gewoon het. Die nedersettings in die gebied het voortbestaan tot in die Bronstydperk en die Slawiese periode.

Die huidige stadsnaam Wildau is vir die eerste keer op 22 November 1855 gebruik toe die landgoed Springziegelei die bynaam Wildau gekry het.[3] Met die vestiging van die Berliner Maschinenbau-Actien-Gesellschaft, 'n beduidende Berlynse aandelemaatskappy in die masjienboubedryf wat veral lokomotiewe vervaardig het, het in 1897 het die nywerheidstydperk in Wildau begin. Toe 'n tweede belangrike fabriek van die Maffei-Schwartzkopff-Werke GmbH in Wildau geopen is, het die stad tot 'n beduidende nywerheidsentrum begin ontwikkel.

Susterstede

[wysig | wysig bron]

Wildau het die volgende Susterstede:

Verwysings

[wysig | wysig bron]
  1. ↑ (de) statistik-berlin-brandenburg.de: Bevölkerung im Land Brandenburg am 30. November 2012 nach amtsfreien Gemeinden, Ämtern und Gemeinden
  2. ↑ (de) maerkischeallgemeine.de: Glückwunsch! Brandenburgs Landesregierung verleiht der Gemeinde Wildau das Stadtrecht
  3. ↑ (de) Kulawsky, Richard: Geschichte der Gemarkung Hoherlehme-Wildau

Eksterne skakels

[wysig | wysig bron]