Wêreldtaal

'n Wêreldtaal is 'n taal wat wyd verspreid deur 'n aansienlike hoeveelheid mense gepraat word, en wat deur baie mense as 'n tweede taal aangeleer word. 'n Wêreldtaal word nie net deur die aantal mense wat dit praat (as eerste of tweede taal) gekarakteriseer nie, maar ook deur sy geografiese verspreiding en die gebruik daarvan deur internasionale organisasies en in diplomatiese betrekkinge.^[1] Wêreldtale is oor die algemeen van Europese oorsprong, as gevolg van die periode van Europese Imperialisme.

Arabies

Lande waar Arabies gepraat word

• Marokko, Wes-Sahara, Mauritanië, Algerië, Tunisië, Libië, Tsjad, Egipte, Soedan, Eritrea, Djiboeti, Somalië, Israel, Palestina, Jordanië, Saoedi-Arabië, Jemen, Oman, Verenigde Arabiese Emirate, Katar, Bahrein, Koeweit, Irak, Libanon en Sirië

Chinees

Lande waar Chinees gepraat word

• China, Taiwan, Singapoer

Duits

Lande waar Duits gepraat word

• Duitsland, Oostenryk, Switserland, Liechtenstein, België (Ooskantons), Luxemburg, Frankryk (Elsas-Lotaringe), Italië (Suid-Tirool), ook in Namibië, Suid-Afrika, Rusland, Kasakstan, Pole, Tsjeggië, Slowakye, Roemenië, Brasilië, Paraguay, Argentinië, VSA, Kanada en Hongarye

Engels

Lande waar Engels gepraat word

• Australië, Kanada, Botswana, Ierland, Indië, Nieu-Seeland, Suid-Afrika, Verenigde Koninkryk, Verenigde State, Zimbabwe, ens.

Frans

Lande waar Frans gepraat word

• Frankryk, België (Wallonië), Luxemburg, Switserland, Monaco, Kanada, Haïti, groot dele van Afrika.

Italiaans

Lande waar Italiaans gepraat word

• Italië, San Marino, Switserland, Vatikaanstad, ook in Somalië en Libië

Japannees

Lande waar Japannees gepraat word

• Japan

Nederlands (en Afrikaans)

Lande waar Nederlands gepraat word

Nederlands:

• Aruba, België, Curaçao, Nederland, Suriname, Sint-Maarten, Frans-Vlaandere en in die Duits-Nederlandse grensgebiede. Voormalig in Indonesië en Suid-Afrika.

Afrikaans:

• Namibië en Suid-Afrika.

Beide tale as immigrante tale in:

• Australië, Botswana, Kanada, Nieu-Seeland, Verenigde Koninkryk, Verenigde State van Amerika, Zambië en Zimbabwe.

Beide tale is in hoë mate onderling verstaanbaar. Die tale word met ongeveer 50 miljoen sprekers as van die kleinste wêreldtale beskou.

Portugees

Lande waar Portugees gepraat word

• Portugal, Brasilië, Angola, Mosambiek, Oos-Timor, Kaap Verde, Guinee-Bissau, São Tomé en Principe, Macau.

Russies

Lande waar Russies gepraat word

• Rusland en voormalige Sowjetunie

Spaans

Lande waar Spaans gepraat word

• Spanje, Latyns-Amerika, Filippyne, Ekwatoriaal-Guinee, Wes-Sahara

Verwysings

1. Baker & Jones Encyclopedia of bilingualism and bilingual education