Yakovlev Yak-9
| Yakovlev Yak-9 | |
|---|---|
 | |
| Tipe | Vegvliegtuig |
| Vervaardiger | Yakovlev |
| Ontwerp deur | Alexander Sergeevich Yakovlev |
| Nooiensvlug | 1943 |
| Status | Onttrek |
| Hoofgebruiker | Russiese Lugmag |
| Vervaardig | 1942–1948 |
| Aantal gebou | 16 769 |
Die Yakovlev Yak-9 was 'n vegvliegtuig wat deur Rusland ontwikkel en gebruik is tydens die Tweede Wêreldoorlog. Die Yakovlev Yak-9 is ontwikkel uit die Yakovlev Yak-7. Die Yak-7 is ontwikkel as 'n tweesitplek opleidingsvliegtuig maar sy vliegvermoë was beter as die van die Yak-1 en gevolglik was 'n enkelsitplek-vegvliegtuigweergawe bestel waarvan meer as 5 000 gebou is.
Ontwikkeling
[wysig | wysig bron]Die Yak-9 was ontwerp saam met die Yakovlev Yak-3 en was 'n ontwikkeling van die Yak-7. Produksie van die Yak-9 het in Oktober 1942 begin. Dit het verskil van die vorige modelle omrede daar 'n ligte metaalallooi vir die vlerke gebruik is instede van hout. Die vliegtuig het homself bewys tydens die Slag van Stalingrad waar dit teen die Messerschmitt Bf 10taa9 te staan gekom en dit oorskadu het. Die Free French Normandie-Niemen Group, wat saam met die Russiese Lugmag geveg het, en die Vry Poolse eskaders was met die Yak-9 toegerus. Teen die middel van 1943 is meer en meer aluminium gebruik om die vliegtuig sterker en ligter te maak. Terselfdertyd is die VK-105-motor ook verbeter. Van die variante is die Yak-9M en die Yak-9D. Die Yak-9DD was ontwikkel met 'n ultralangtogafstand om die Amerikaanse bomwerpers te vergesel van en na die Oekraïne en die suide van Italië.
Die laaste variant is die Yak-9U wat heeltemal van metaal gemaak is. Die Yak-9U het die eerste keer in Desember 1943 gevlieg en is in diens gestel in die middel van 1944. Dit was aanvanklik toegerus met die VK-105PF-2 motor en later die VK-107A wat 'n maksimumsnelheid van 698 km/h verseker het. Selfs die eerste Yak-9U's was beter as die Duitse vegvliegtuie.
Daar was 16 769 Yak-9 vegvliegtuie gebou tydens die oorlog en produksie het tot in 1946 voortgeduur. Gedurende die Koreaanse oorlog was die Yak-9 toegerus met kanonne en dit was die gevorderdste vliegtuig in die Noord-Koreaanse Lugmag. Daar was meer as 37 000 van die Yak vegvliegtuie gebou.
Tegniese besonderhede
[wysig | wysig bron]| Item | Statistiek |
|---|---|
| Aantal motors | 1 |
| Tipe motor | Skroef |
| Vervaardiger | Klimov VK-107A inlynmotor |
| Kraglewering per motor | 1 650 perdekrag |
| Vlerkspan | 9,77 m |
| Lengte | 8,55 m |
| Hoogte | 2,96 m |
| Vlerkoppervlakte | 17,25 m2 |
| Maksimum opstygmassa | 3 098 kg |
| Maksimum snelheid | 698 km/h |
| Operasionele hoogte | 11 900 m |
| Togafstand | 870 km |
| Klimvermoë | 1 500 m per minuut |
| Bewapening | Een 20 mm kanon in die neus en twee 12.7 mm masjiengewere asook twee 100 kg bomme onder vlerke |
Sien ook
[wysig | wysig bron]Bron
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9