Yster(II)bromied

Eienskappe

Algemeen
Naam	Yster(II)bromied
Struktuurformule van
Chemiese formule	FeBr2
Molêre massa	215,65 [g/mol][1]
CAS-nommer	7789-46-4[1]
Voorkoms	donkergeel vastestof[1]
Reuk	Reukloos [1]
Fasegedrag
Selkonstantes	a=377 pm; a=622 pm[2]
Ruimtegroep	P3m1[2]
Nommer	164
Strukturbericht	C6
Smeltpunt	684 °C[1]
Kookpunt	937 °C[1]
Digtheid	4.63 g/mL at 25 °C [3]
Oplosbaarheid	oplosbaar[1]
Suur-basis eienskappe
pKa
Veiligheid
Flitspunt	nie-brandbaar
Tensy anders vermeld is alle data vir standaardtemperatuur en -druk toestande.
Portaal Chemie

Yster(II)bromied is 'n sout van yster in sy +2 oksidasietoestand en waterstofbromied met die formule FeBr₂.

Kristalstuktuur

Yster(II)bromied kristalliseer in die CdI₂-tipe struktuur. (C6^[4] in die strukturbericht-klassifikasie) Dit is 'n gelaagde FeBr₂-toebroodjiestruktuur met die ysteratome reg bo mekaar. Die stof is antiferromagneties en wys ongewone metamagnetiese gedrag. Dit ondergaan 'n faseoorgang onder 'n eksterne magneetveld van ~30kOe in die rigting van die c-as loodreg op die lae. Die spins in die lae is ferromagneties georden en die antiferromagnetiese ordening tussen die lae is swak vanweë die toebroodjiestruktuur en kan met 'n sterk veld deurbreek word. Die stof is 'n Mott-isolator.^[2]

Chemiese eienskappe

Broom reageer met vogtige yster en vorm hierdie bromied, maar dit reageer gewoonlik verder om die yster(III)bromied te vorm. 'n Beter metode is die reaksie van ysterpoeier met HBr, opgelos in metanol onder 'n stikstofatmosfeer. Dit vorm 'n dimetanoladduk wat teen 160°

C onder laer druk die watervrye FeBr₂ vorm. Die stof is higroskopies en vorm hidrate.^[5]

Yster(II)bromied is 'n organiese katalitiese reagens wat in 'n paar organiese sinteses gebruik word:^[5]

1. Die vorming van C-C bindings (koppeling) tussen twee molekules (of inwendig) waarvan die een 'n alkielhalied is en die ander óf 'n Grignardreagens of 'n eindstandige arielalkyn.
2. Die vorming C-O bindings. Dit koppel ureum met alkohole of diole.
3. Die vorming van C-S bindings deur tioësters te reageer met aldehiede of metielarene. Hier vword egter TBHP bygevoeg wat die yster se oksidasietoestand verander na 3+.

Verwysings

1. "MSDS". Fisher. Besoek op 16 September 2023.
2. Youn, Seunggyu & Sahu, Bhagawan & Kim, Kwang (2001). "Large Orbital Magnetic Moment and Coulomb Correlation effects in FeBr2". Physical Review B. 65. doi:10.1103/PhysRevB.65.052415.
3. "sds". sigma aldrich.
4. "ω (C6) Phase: AB2_hP3_164_a_d". Aflow. Geargiveer vanaf die oorspronklike op 14 November 2023. Besoek op 17 September 2023.
5. Gallo, E. and Intrieri, D. (2018). Iron(II) Bromide. In Encyclopedia of Reagents for Organic Synthesis. doi:10.1002/047084289X.rn02188.