Alternative Linke
| Alternative Linke | |
|---|---|
|
| |
| Gründigsdatum: | 29. Mai 2010 |
| Gründigsort: | Lausanne |
| Präsidium: | gits nit |
| Generalsekretär: | Frédéric Charpié |
| Mitgliider: | 1'500[1] (Stand: 2011) |
| Wähleraadeil: | 1.2 % (Stand: Nationalratswahl 2011) |
| Kantonali Parlament: | 12 Sitze |
| Parteigliiderig: | 6 Sektione |
| Gruppierige: | Jeunesse La Gauche Nahestehendi Gruppe: Alternativi Liste, POP, SolidaritéS |
| Website: | www.alternative-linke.ch |
Die Alternativi Linggi (AL; franz.: La Gauche; ital.: La Sinistra) isch e linksalternativi Schwiizer Partei, wo für e ökologischi und linki Politik iitritt, aber gägä d EU i de jetzigä Form isch. Si setzt sich für me soziali Grechtigkeit ii.
D Partei isch 2010 gründet worde mit em Ziil e neui nationali Partei für Parteie links vo de SP und dä Grüenä z schaffe, wo für e konsequenti Linggi Politik iiträtet. Dara beteiligt sind unter anderem die Alternative Listene i de Kantön Züri und Schaffhuuse gsi und im Welschland Sektione vo de Partei vo de Arbeit und vo de Solidarités im Waadtland (wo die beide Linksparteie zämme mit anderne linke Gruppe und unabhängige unter em Dach vo «La Gauche» uftretet) und in Gämf. Zu dem hend au Les Communistes us Gämf mitgmacht. Us em Wallis isch e Gruppe als Sektion biiträte und im Kanton Bern isch e Sektion vo de Partei neu gründet worde.
S wichtigste Organ vo de Partei isch de Kongress, wo jährlich am ene anderne Ort stattfindet, bisher z Schaffhuuse (2009, vor de offizielle Gründig), z Lausanne (2010), z Züri (2011), z Biel (2012) und z Nidau (2015). De Kongress entscheidet über die wichtigste Sache, we neui Initiative, Uufnahme vo Sektione und Statuteänderige. Danebet gits no en Vorstand, wo bis zu zwei stimmberechtigti Mitgliider und zwei Ersatzmitgliider pro Kanton umfasse chan. De trifft sich mindeschtens viermal jährlich und beschtimmt Sachä, wo dringender sind, und fasst au Parole.
Iniziative
[ändere | Quälltäxt bearbeite]Im April 2011 het d AL d Volksinitiative zur Abschaffig vo de Pauschalbestüürig uf nationaler Ebeni lanciert, damit die Millionär i de Schwiiz au aständig Stüüre zahle mönd, we jede anderi Mensch au. Die Initiativä isch am 30. November 2014 zur Abschtimmig choo und mit 59,2 % Nai-Stimme abglehnt worde. Vo de Ständ hät nu Schafuuse aagnoo.[2]
Weblink
[ändere | Quälltäxt bearbeite]Einzelnachwiis
[ändere | Quälltäxt bearbeite]- ↑ Broschüre: «In der Kürze liegt die Würze», S. 28
- ↑ Amtliche Endergebnisse uf admin.ch, abgruefe am 6. Februar 2016