Amen

Dä Artikel bhandlet s Wort am Schluss vomene Gibet. Wyteri Bedütige vo „Amen“ findsch doo.

Amen (hebr. אָמֵן āmén; altgriech. ἀμήν, amēn; arabisch آمين‎, DMG āmīn) isch e Wort, wo em Schluss vomene Gibet gsait werd oder au im End vonere Predigt i de Chile. Da Wort isch bi de Jude, Christe und Muslim bruucht.

Herkunft, Bidüttig

S Wort isch hebräisch und stammt us em Alte Testament und werd au im Noie Testament und im Koran bruucht. D Bidüttig chunnt vo de semitische Worzle ʿmn »sicher sii, zuesichere«. Amen isch somit e Zuesicherig, as da wo gsait woren isch entweder woor isch oder gschee söll.

Sustigi Aawendig

Im Alltag cha Amen au abschätzig bruucht were, um emene Redner z zaige, as mer nünt vo sinere Reed haltet.