Angeloi (Familie)

D Familie Angelos (griech. Ἄγγελος, Pl. Angeloi, Ἄγγελοι) isch e bedütends byzantinischs Aadelsgschlächt gsi, wo am Ändi vom 11. Joohundert ufgstiige isch. E Joorhundert spööter häi meereri Angeloi dr Kaiserdroon bestiige. Es si aber schwachi Herrscher gsi und de Chrüzridder vom 4. Chrüzzuug isch s 1204 glunge, Konstantinopel z eroobere. Aaghöörigi von ere Sitelinie vo de Angeloi häi vo 1204 bis 1318 im Despotat Epirus gherrscht, eme griechische Noochfolgerstaat vom byzantinische Riich. Zitwiis si im 13. Joorhundert au Gebiet in Makedonie und Thessalie Däil vom Machtberiich vo de Angeloi gsi.

Dr Familienaame isch äntwääder vom Wort Angel (griech. für Ängel) oder vom Naame vom vermuetlige Häärkumftsort in Chläiasie, wo gliich döönt, abgläitet.

Familiebezieige

[ändere | Quälltäxt bearbeite]
  1. Konstantin Angelos ∞ Theodora Komnena, Dochder vom Kaiser Alexios I.
    1. Andronikos Angelos
      1. Isaak II. Angelos, byzantinische Kaiser 1185–1195 und 1203–1204 ∞ 1) Irene Komnena, Dochder vom Kaiser Andronikos I., ∞ 2) 1185 Margarete (* 1175), Dochder vom König Bela III. vo Ungarn
        1. Irene (1172–1208) ∞ 1) 1191 Roger vo Apulie († 1193) Hauteville, ∞ 2) 1197 Philipp vo Schwoobe (um 1176–1208), dütsche Köönig (Staufer)
        2. Alexios IV. Angelos (1183–1204) byzantinische Kaiser 1203
        3. Manuel Angelos († 1212)
        4. Theodora († 1246) ∞ 1203 Leopold VI., Herzog vo Östriich und Steiermark
      2. Theodora ∞ 1187, gschiide 1187, Konrad Markgraf vo Montferrat (um 1146–1192)
      3. Alexios III. Angelos, byzantinische Kaiser 1195–1203
        1. Anna († 1212) ∞ 1200 Theodor I. Laskaris, Kaiser vo Nicäa († 1222)
        2. Irene ∞ 1200 Alexios Paläologos
        3. Eudokia ∞ 1) 1195 Stefan Nemanjić, Köönig vo de Serbe (gschiide), ∞ 2) Alexios V. Dukas († 1204), ∞ 3) Leon Sguros vo Korinth († 1208)
    2. Johannes Angelos
      1. Theodor I. Angelos († nach 1254), Despot vo Epirus 1214, Kaiser vo Thessalonike 1222–1230
        1. Johannes Angelos († 1244), Kaiser vo Thessalonike 1240–1243
        2. Irene Angelos Komnene ∞ 1240 Iwan Asen II. († 1241), Zar vo de Bulgare
        3. Demetrios Angelos, Kaiser vo Thessalonike 1244–1246
      2. Manuel Angelos († 1241), Kaiser vo Thessalonike 1230–1240 ∞ e Dochder vom Stefan Nemanja, Groossžupan vo de Serbe
      3. Michael I. Angelos (unehelig, † 1214), Despot vo Epirus 1204–1214
        1. Michael II. Angelos (unehelig)
          1. Nikephoros Angelos ∞ Maria, Dochder vom Theodor II. Laskaris
            1. Thamar ∞ Philipp I. vo Tarent
          2. Johannes Angelos (unehelig)
          3. Anna ∞ Wilhelm II. vo Villehardouin
          4. Helena ∞ Manfred vo Sizilien
      4. Konstatinos Despot vo Akarnie

Litratuur

[ändere | Quälltäxt bearbeite]
  • Günter Prinzing: Angeloi, in: Lexikon des Mittelalters, Bd. 1, Sp. 618 f. (Literatur).
  • Georg Ostrogorsky: Anđeli, in: Enciklopedija Jugoslavije, Bd. 1. Zagreb 1955 (1. Aufl.)
  • Franz Grabler (Hrsg.): Historia. Abenteurer auf dem Kaiserthron. Die Regierungszeit der Kaiser Alexios II., Andronikos und Isaak Angelos (1180 - 1195) aus dem Geschichtswerk des Niketas Choniates. Graz 1958.
  • Franz Grabler (Hrsg.): Historia. Die Kreuzfahrer erobern Konstantinopel. Die Regierungszeit der Kaiser Alexios Angelos, Isaak Angelos und Alexios Dukas, die Schicksale der Stadt nach der Einnahme sowie das "Buch vo den Bildsäulen" (1195-1206) aus dem Geschichtswerk des Niketas Choniates. Graz 1958.

Weblingg

[ändere | Quälltäxt bearbeite]
Dä Artikel basiert uff ere fräie Übersetzig vum Artikel „Angeloi_(Familie)“ vu de dütsche Wikipedia. E Liste vu de Autore un Versione isch do z finde.