Dialäkt: Mìlhüüserisch |
D’ Angélica Rivera Hurtado ([aŋˈxelika riˈβeɾa]; * 2. Àuigscht 1969 z’ Mexiko-Schtàdt) ìsch a mexikànischa Farnsahschàuischpìelera. Sa ìsch vu 2010 bis 2019 mìt’m ehamààliga Schtààtspresidànt Enrique Peña Nieto verhiirootet gsìì un ìsch àlso vu 2012 bis 2018 Primera Dama de México gsìì.
D’ Rivera hàt zwìscha 1989 un 2007 ìn da Farnsahseria vum mexikànischa Mediakonzärn Televisa gschpìelt.[1] Bekànnt ìsch sa ànna 2007 worra dur d’ Telenovela Destilando amor, wu sa d’ Hàuiptrolla ghàà hàt. Wagadam hàt maa-n-ìhr dr Ìwwernamma „d’ Meewa“ gaa (uff Schpànisch la gaviota).
Vu 2004 bis 2008 ìsch sa mìt’m mexikànischa Produzänt José Alberto Castro verhiirootet gsìì. Zamma hann sa dräi Kìnder ghàà.
Àm 27. Nowamber 2010 hàt sa dr Enrique Peña Nieto ghiiroota. Àm 9. Hornung 2019 hàt sa verkìndigt, àss s’ Pààr sìch loo schaida wurd. D’ Rivera hàt a exklüsiiwa Bsìtz ìn’ma gedüachta Viartel z’ Mexiko-Schtàdt kàuift. Wagadam hàt maa-n-ìhr ìm Nowamber 2014 Beschtachung vorgworfa.[2]
Dä Artikel basiert uff ere fräie Übersetzig vu dere Version vum Artikel „Angélica_Rivera“ vu de dütsche Wikipedia. E Liste vu de Autore un Versione isch do z finde. |