| Dialäkt: Schwäbisch |
Dr Anna-Haag-Preis ischt a deitscher Litradurpreis. Bi 2022 hôt-er Thaddäus-Troll-Preis ghoißa.
Der Preis ischt em Todesjôhr vom Thaddäus Troll (1980) vom Förderkreis deutscher Schriftsteller in Baden-Württemberg e. V. ens Leaba gruafa wôrra. Dô drmit sollet qualifiziirde Autorinna ond Autora, wo mit-em Hauptwohnsitz en Bada-Wirdaberg gmeldet, abr noh koim graußa Leaserkreis bekannt send, gferdret werra. So ebbes ischt nemlich emmer a grauß Ôliaga vom Thaddäus Troll gwäa, wo-nr sich arg drmit vordeant gmacht hôt. Dui Persoo, wo sellen Preis zuaerkannt kriagt, kriagt a Urkunde ond a Stipendium. Voraussetzong ischt, dass-se entweder a abgschlosses Manuskript oder a vollständich vorfassts Buach vorlega kô.
Em Johr ischt dr Preis en Anna-Haag-Preis umbenännt wôrra, no dr Anna Haag.
Zom erschda Môl vorgeaba wôrra isch der Preis 1981 an da Manfred Esser. Dômôls hôt s Preisgeld noh 5.000 DM ausgmacht. Enzwischa send abr mehrere Steigeronga erfolgt. Zorzeit send’s 10.000 Euro.