Anna Haak

Anna Haak
Porträt
Geburtsdag 19. Septamber 1996
Greßi 1,79 m
Position Üssa-n-ààgrìff
Verain
2012–2015
2015–2017
2017–2019
2019–2020
sitter 2020 		SchwedenSchweden Engelholm VS
Vereinigte StaatenVereinigte Staaten Üniwärsiteet vu Miami
Vereinigte StaatenVereinigte Staaten Marquette University
FrankreichFrankreich Vandœuvre-Nancy Volley-Ball
FrankreichFrankreich Volley Mìlhüüsa Elsàss
Nationalmannschaft
SchwedenSchweden Schweeda U-18
SchwedenSchweden A-Nàzionààlmànnschàft
Erfolg
2015

2021

2018, 2022 		schweedischa Maischtera
schweedischa Pokààlsiigera
frànzeescha Maischtera
frànzeescha Pokààlsiigera
Plàtz 1 (Öiropäischa Sìlwerliiga)

Stand: 21. Janner 2023

Dialäkt: Mìlhüüserdiitsch

D’ Anna Haak (* 19. Septamber 1996 z’ Mìlhüüsa, Elsàss) ìsch a schweedischa Volleybàllschpììlera, wo àls Üssa-n-ààgriiffera schpììlt. Sa ìsch schweedischa Maischtera un Pokààlsiigera worra, so wia schpeeter frànzeescha Maischtera un Pokààlsiigera mìt’m Verain Volley Mìlhüüsa Elsàss.

ìhra Fàmìlia un Kìndhait

[ändere | Quälltäxt bearbeite]

D’ Anna Haak ìsch ànna 1996 z’ Mìlhüüsa-n-uff d’ Walt kumma. Ìhr Vàtter ìsch Frànzoos’r, ìhra Müatter ìsch Schweeda. Mìt ìhra Äältra hàt d’ Haak ain Joohr làng z’ Siarenz glabt; d’rnooh ìsch d’ Fàmìlia ìn Schweeda gànga ge laawa. D’ Anna ìsch d’ äältra Schwäschter vu dr Volleybàllschpììlera Isabelle Haak.[1]

ìhra Kàrriar

[ändere | Quälltäxt bearbeite]

Verainskàrriar

[ändere | Quälltäxt bearbeite]

Ìhra Profi-Kàrriar hàt d’ Haak ànna 2012 biim schweedischa Verain Engelholm VS ààgfànga. Doo ìsch sa bis 2015 blììwa. Ìn dr äärschta Saison ìsch sa Drìtta ìn dr Nàzionààlmaischterschàft un Zwaita ìm Pokààlwättbewarb worra — àm Andschpììl vum Pokààlwättbewarb ìsch d’ Verainsmànnschàft vum Katrineholms VK gschlààga worra. Ìn dr Saison 2013/14 ìsch d’ Haak nochamol Drìtta ìn dr Maischterschàft worra. Ànna 2014/15 ìsch sa schweedischa Maischtera un Pokààlsiigera worra — s’ Andschpììl vum Pokààlwättbwarb hàt sa dàsmol geega dr Lindesberg Volley gwunna. Ìm gliicha Joohr ìsch sa mìt dr Verainsmànnschàft Zwaita àn dr Nordöiropà-Maischterschàft (NEVZA) worra.

Àm And vu dara Saison ìsch d’ Haak ìn d’ Mànnschàft vu dr Üniwärsiteet vu Miami gànga ge schpììla. Mìt dara Mànnschàft ìsch sa ìn dr Schpììlzitt 2015/16 Viarta worra ìm Üniwärsiteets-Wättbewarb vu dr US-Oschtkìschta worra un ìsch uff Plàtz 33 vu dr Nàzionààlmaischterschàft ànakumma. Ìm Joohr druff ìsch sa Àchta ìm Tàball vu dr Oschtkìschta-Wättbewarb gsìì. D’rnooh hàt sa zwai Joohra làng fìr d’ Mànnschàft vu dr Marquette University z’ Milwaukee gschpììlt.[2] Mìt dara Mànnschàt ìsch sa ànna 2017/18 uff Plàtz 33 vu dr Nàzionààlmaischterschàft ànakumma, so wia-n-uff Plàtz 9 ìm Joohr druff.

D’ Saison 2019/20 hàt d’ Haak biim frànzeescha Verain Vandœuvre-Nancy Volley-Ball gschpììlt. D’ Verainsmànnschàft ìsch uff Plàtz Zwai ìm Tàball vu dr Nàzionààlmaischterschàft gsìì,[3] vor äbb s’ Wättbewarb waga dr COVID-19-Pandemii àbgsajt worra-n-ìsch. Ìm frànzeescha Pokààlwättbwarb ìsch àwwer dr Verain uff Plàtz 5 ànakumma.

Ànna 2020 ìsch d’ Haak zem Verain Volley Mìlhüüsa Elsàss gànga ge schpììla. Ìn dr Schpììlzitt 2020/21 ìsch sa frànzeescha Maischtera[4] un Pokààlsiigera worra — s’ Andschpììl vum Pokààlwättbewarb geega dr Istres OPV d’haim z’ Mìlhüüsa hàt d’ Mànnschàft mìt 3:0 gwunna. Ìm saalwa Joohr ìsch d’ Haak mìt dr Verainsmànnschàft uff Plàtz 11 vu dr öiropäischa Champion’s League ànakumma. Dr Schpìtzapokààl geega Le Cannet hàt sa mìt Mìlhüüsa ìm Oktoower 2022 eewafàlls gwunna;[5] d’ Haak ìsch sogààr àls Bäschta Schpììlera vum Schpììl ärnännt worra. Ìn dr Schpììlzitt 2021/22 ìsch d’ Haak mìt Mìlhüüsa Zwaita ìn dr Nàzionààlmaischterschàft un Niinta ìm Pokààlwättbewarb worra; bii dr Champion’s League ìsch sa nochamol uff Plàtz 11 ànakumma. Ìm Jüüni 2022 hàt sa ìhra Vertrààg biim Mìlhüüser Verain um ain Joohr verlängert.[6][7]

Bii dr Champion’s League hàt d’ Anna Haak säcksmol geega-n-ìhra Schwäschter Isabelle gschpììlt (Schtànd: Janner 2023); jeedsmol hàt ìn dr Isabelle ìhra Mànnschàft d’ Schpììler gwunna.[8][9][10]

mìt dr Nàzionààlmànnschàft

[ändere | Quälltäxt bearbeite]

D’ Anna Haak ìsch z’äärscht Mìtglììd gsìì ìn dr schweedischa U-19-Nàzionààlmànnschàft. Mìt dara Mànnschàft ìsch sa ànna 2013 bii dr Nordöiropàmaischterschàft (NEVZA) uff Plàtz Zwai ànakumma, so wia-n-uff Plàtz Ains ìm Joohr 2014 — doo ìsch sa d’rzüa àls Bäschta Üssa-n-ààgriffera vum Wättbewarb üsszaichent worra.

Sitter 2014 schpììlt sa ìn dr A-Nàzionààlmànnschàft. Ànna 2015, 2017 un 2019 hàt sìch d’ Mànnschàft fìr d’ Öiropàmaischterschàft nìt kwàlifiziart. Bii dr Öiropàmaischterschàft 2021 ìsch sa uff Plàtz 8 ànakumma. Ànna 2019 ìsch sa uff Plàtz 12 vu dr öiropäischa Golden League ànakumma, un ànna 2018 un 2022 hàt sa d’ öiropäischa Sìlwerliiga gwunna. Ìm Wättbewarb vu dr Sìlwerliiga 2018 ìsch sa àls Bäschta Üssa-n-ààgriifera ärnännt worra. Ìn dr Nàzionààlmànnschàft hàt d’ Haak zamma mìt ìhrer Schwäschter gschpììlt.[11]

Weblìnks

[ändere | Quälltäxt bearbeite]
  • Profil biim Öiropäischa Volleybàll-Verbànd CEV (anglisch)
  • Profil ìn dr Dàtabànk vu WorldOfVolley (anglisch)
  • Profil ìn dr Dàtabànk vu Volleybox (hoochdiitsch)
  • Profil ìn dr Global Sports Archive (anglisch)

Ainzelnoohwiisa

[ändere | Quälltäxt bearbeite]
  1. ↑ La Suédoise Anna Haak revient à Mulhouse. In: L’Alsace. 20. Mai 2020, archiviert vom Original am 22. Januar 2023; abgruefen am 22. Januar 2023 (französisch): „L’attaquante-réceptionneuse Anna Haak, internationale suédoise de 23 ans née à… Mulhouse, vient de s’engager à l’ASPTTM, qui recrute là une cinquième joueuse.“
  2. ↑ Derek Johnson: Anna Haak Transfers to Marquette After Two Seasons With Miami. In: Volley Mob. 22. Juni 2017, archiviert vom Original am 6. Oktober 2022; abgruefen am 22. Januar 2023 (amerikanischs Änglisch).
  3. ↑ Ligue A féminine 2019/2020, Saison Régulière (France - 04/10/2019 - 28/03/2020) : Classement. In: LesSports.info. Archiviert vom Original am 22. Januar 2023; abgruefen am 20. Januar 2023 (französisch).
  4. ↑ Anna Haak blev mästare i Frankrike i helgen. In: svt Sport. 12. April 2021, abgruefen am 22. Januar 2023 (schwedisch).
  5. ↑ Revivez le direct. Les Mulhousiennes s’offrent un premier titre avec la Supercoupe. In: L’Alsace. Abgruefen am 20. Januar 2023 (französisch).
  6. ↑ Anna Haak prolonge à l’ASPTT Mulhouse. In: L’Alsace. 20. Juni 2022, archiviert vom Original am 22. Januar 2023; abgruefen am 22. Januar 2023 (französisch).
  7. ↑ Mattias Hjälm: Frankrike allt mer hemma för Anna Haak: ”Vi har höga mål”. In: Helsingborgs Dagblad. 28. September 2022, abgruefen am 22. Januar 2023 (schwedisch).
  8. ↑ Marjan Svab: Frankrikeproffset Anna Haak: ”Blivit en tradition”. In: Helsingborgs Dagblad. 20. Januar 2023, archiviert vom Original am 20. Januar 2023; abgruefen am 22. Januar 2023 (schwedisch).
  9. ↑ Valeria Merli: Sisters' Act: Anna and Isabelle Haak. CEV EuroVolley, 20. August 2021, archiviert vom Original am 22. August 2021; abgruefen am 21. Januar 2023 (änglisch).
  10. ↑ Owen Lloyd: Haak sisters set to battle it out as CEV Champions League draw concludes. In: Inside the games. 16. September 2022, archiviert vom Original am 17. September 2022; abgruefen am 22. Januar 2023 (änglisch).
  11. ↑ Jonathan Nilsson: Stjärnsyskonen vill skapa svensk volleybollfeber. In: Aftonbladet. 12. August 2021, archiviert vom Original am 21. Januar 2023; abgruefen am 22. Januar 2023 (schwedisch).