Antigen

D Bindig vom ene Antigeen an e bassendi Stell vom ene Antikörper

En Antigeen (vo änglisch antibody-generating ‚Antikörper-erzüügend‘)[1] isch e molekulaari Struktuur, wo sich Antikörper im Raame von ere erworbene Immuunantwort[2] draa chönne binde. Noch dr Bindig vo Antikörper an iir jewiiligs Antigeen git s die erworbeni Immuunantwort, zum gege e Chrankhäitserreeger vorzgoo.

Ursprünglig het mä dr Begriff nume für Substanze aagwändet, wo noch ere Injekzioon in e fremde Organismus zur Antikörperbildig gfüert häi. Hüt umfasst d Definizioon Moleküül, wo speziifisch vo Antigeenrezeptoore vo B- und T-Zälle bunde wärde.[2] Usser Antikörper chönne sich au Lümfozüte über B-Zäll-Rezeptoore oder T-Zäll-Rezeptoore an Antigeen binde, und eso wird d Bildig vo Antikörper versterkt oder zütotoxischi T-Zälle[3] wärde bildet.

Lidderatuur

[ändere | Quälltäxt bearbeite]
  • Charles Janeway et al.: Immunobiology. 6. Uflaag ISBN 0-8153-4101-6. Die 5. änglischi Usgoob isch onläin uf de Site vom National Center for Biotechnology Information (NCBI)-Bookshelf, (online).

Fuessnoote

[ändere | Quälltäxt bearbeite]
  1. ↑ Peter J. Delves, Seamus J. Martin, Dennis R. Burton, Ivan M. Roitt: Essential Immunology, 2017. ISBN 978-1-118-41577-1, S. 143.
  2. ↑ 2,0 2,1 David K. Male: Immunology. Elsevier Health Sciences, 2006, ISBN 978-0-323-03399-2 (google.de [abgerufen am 30. Juli 2021]).
  3. ↑ Zütotoxischi T-Zälle, früener T-Killerzälle, ghööre zu de T-Lümfozüte (T-Zälle) und si Däil vo dr adaptiive Immuunabweer. Iiri Hauptufgoob isch s, Körperzälle, wo vo Pathogeen infiziert si, wäge iire Antigeen, wo typisch für d Erreger si, z erkenne und z eliminiere