Appian

E Site vom Pier Candido Decembrio sinere latiinische Übersetzig vo dr Röömische Gschicht vom Appian in dr Handschrift Bariis, Bibliothèque nationale de France, Lat. 5786, fol. 128r (Middi vom 15. Joorhundert)

Dr Appian (Appianos vo Alexandria, altgriechisch Ἀππιανὸς Ἀλεξανδρεύς Appianòs Alexandreús; * öbbe zwüsche 90 und 95 z Alexandria; † um 160 z Rom) isch e griechisch-röömische Gschichtsschriiber gsi. Er het uf Griechisch gschriibe und si Wärk, wo 24 Bänd umfasst het, isch nume däilwiis erhalte, Er behandlet din vor allem die röömischi Chriegsgschicht vo de saagehafte Aafäng under em Aeneas bis ins früeje 2. Joorhundert n. d. Z.


Dr Inhalt vom Appian sinere Rhomaika (Ῥωμαικά „Röömischi Gschicht“) noch em Photios, wo s ganze Wärk no kennt het:[1]

  • 1. Βασιλική Basilike: Die Röömischi Köönigszit vom Aeneas aa
  • 2.Ἰταλική Italike: D Erooberig vo Middelitalie
  • 3. Σαμνιτική Samnitike: D Samnitenchrieg
  • 4. Κελτική Keltike: Dr Chrieg gege d Kelte
  • 5. Σικελικὴ καὶ νησιωτική Sikelike kai nesiotike: D Erooberig vo Sizilie und andere Insle in dr Nööchi vo Italie
  • 6. Ἰβηρική Iberike: D Chrieg in Iberie
  • 7. Ἀννιβαϊκή Annibaike: D Kämpf gegen e Hannibal in Italie
  • 8. Καρχηδονιακὴ Karchedoniake (in de Edizioone as Libyke bezäichnet; die Punische Chrieg gege Karthago) und Νομαδική Nomadike (D Kämpf in Numidie)
  • 9. Μακεδονικὴ καὶ Ἰλλυρική Makedonike kai Illyrike: Die Röömisch-Makedonische Chrieg und D Kämpf in Illürie
  • 10. Ἑλληνικὴ καὶ Ἰωνική Ellenike kai Ionike: D Chrieg in Griecheland und Ionie (Chläiasie)
  • 11. Συριακή καὶ Παρθική Syriake kai Parthike: D Chrieg in Süürie, bsundrigs gegen e Antiochos III., und d Chrieg gegen d Parther
  • 12. Μιθριδάτειος Mithridateios: D Chrieg gegen e Mithridates VI. vo Pontos
  • 13.–17. Ἐμφυλίων Emphylion: Die Röömische Bürgerchrieg vo 133 bis 35 v. d. Z.; Gracche, d Kämpf vom Sulla gegen e Marius, vom Caesar gegen e Pompeius und vom Antonius und Octavian gege d Mörder vom Caesar; as letschts Eräignis wird über d Hiirichdig vom Sextus Pompeius brichdet
  • 18.–21. Αἰγυπτιακῶν Aigyptiakon: D Chrieg in Egüpte
  • 22. Ἑκατονταετία Hekatontaetia: d Erooberige vo de Kaiser bis zum Trajan
  • 23.–24. Δακική, Ἀράβιος Dakike kai Arabios: D Chrieg vom Trajan in Dakie und Arabie

Teggstusgoobe und Übersetzige

[ändere | Quälltäxt bearbeite]
  • Roman History. Griechisch–Änglisch, uusegee. und übers. vom Brian McGing, 5 Bänd., Cambridge (Mass.) & London 2019–2020. (Loeb Classical Library)
  • Römische Geschichte. Übers. vom Otto Veh, uusegee vom Kai Brodersen & Wolfgang Will, 2 Bänd., Stuttgart 1987–89. (Bibliothek der griechischen Literatur)
  • Appiani Historia Romana. Uusegee vom Paul Viereck, J. E. van Niejenhuis & E. Gabba, 3 Bänd (Bibliotheca Teubneriana)

Liddratuur

[ändere | Quälltäxt bearbeite]
  • Eduard Schwartz: Appianus 2. In: Paulys Realencyclopädie der classischen Altertumswissenschaft (RE). Band II,1, Stuttgart 1895, Sp. 216–237.
  • Aufstieg und Niedergang der römischen Welt. Band II 34,1. Berlin & New York 1993, S. 339 ff. (mehrere Beiträge zu Appian).
  • Martin Hose: Erneuerung der Vergangenheit. Die Historiker im Imperium Romanum von Florus bis Cassius Dio. Stuttgart 1994, S. 142–355.
  • Domenico Magnino: Appianos. In: Der Neue Pauly (DNP). Band 1, Metzler, Stuttgart 1996, ISBN 3-476-01471-1, Sp. 903–905.

Fuessnoote

[ändere | Quälltäxt bearbeite]
  1. ↑ Photios, Bibliotheke, Codex 57, S. 15 b, 21 – 17 a, 21.