Arabische Liga

Arabischi Liga جامعة الدول العربية Dschāmiʿat ad-Duwal al-ʿArabiyya League of Arab States
Mitglider	Ägypte, Algerie, Bahrain, Dschibuti, Irak, Jemen, Jordanie, Katar, Komore, Kuwait, Libanon, Libye, Marokko, Mauretanie, Oman, Paleschtina, Saudi-Arabie, Somalia, Sudan, Syrie, Tunesie, Verainigti Arbabischi Emirat
Amtssproch	Arabisch
Sitz	Kairo, Ägypte (syt 1990)
Greschti Stadt	Kairo, Ägypte
Grindig	22. Merz 1945
Zytzone	UTC 0 bis +4

Di Arabisch Liga (arabisch جامعة الدول العربية‎ dschāmiʿat ad-duwal al-ʿarabiyya, DMG ǧāmiʿat ad-duwal al-ʿarabīya ‚Liga vu dr arabische Staate‘) isch e Internationali Organisation vu arabische Staate un isch am 22. Merz 1945 z Kairo grindet wore, wu si au ihre Sitz het. Si bstoht us 22 Mitglider: 21 Nationalstaate z Afrika un z Asie un dr Paleschtinänsische Autonomibiet, wu international nit anerkännt sin un inoffiziäll dur d PLO verdrätte wäre.

Ziil

As Hauptziil vum Verbund giltet d Ferderig vu dr Beziehige vu dr Mitglider uf bolitischem, kulturällem, sozialem un wirtschaftligem Biet (Finanzwäse, Transport, Kultur, Gsundhaitswäse, Medie). Au soll d Unabhängigkait un Suveränitet vu dr Mitglidstaate un dr arabische Usseninterässe gwohrt wäre. Strytfäll vu dr Mitglider unterenander solle verhietet un gschlichtet wäre. Derzue soll d Anerkännig vu dr Paleschtinänsische Autonomibiet as unabhängige Staat erraicht wäre.^[1]

Organ

Hauptorgan vu dr Arabische Liga isch dr Rot vu dr Arabische Liga (Ligarot), wu us Verdrätter vu dr Mitglidstaate zämmegsetzt isch. Syni Empfählige sin nume fir die Mitglider verbindlig, wun ene zuegstumme hän. Dr Ligarot dritt alljohr zwai Mol im Merz un im Septämber ordeli zämme, im Merz daage derby d Staats- un Regierigschef (Arab Summits). Usserordeligi Sitzige chenne jederzyt yybruefe wäre.

Anderi Organ sin d Komitee, wu sich mit ainzelne Bolitikberaich befasse un wu sich au us Verdrätter vu dr Mitglidstaate zämmesetze, zmaischt us dr Fachminischter.

S Generalsekretariat wird vun eme uf fimf Johre ernännte Generalsekretär glaitet, syt em 15. Mai 2011 isch des dr Ägypter Nabil al-Arabi, e friejere Richter vum Internationale Grichtshof z Den Haag un vor syre Bruefig in s Amt vum Generalsekretär dr Ussenminischter vu syym Haimetland.^[2]

Alli bishärige Generalsekretär vu dr Arabische Liga im Iberblick:^[3]

• 1945–1952: Abdel Rahman Azzam (Ägypte)
• 1952–1972: Abdel Khaliq Hassuna (Ägypte)
• 1972–1979: Mahmoud Riad (Ägypte)
• 1979–1990: Chedli Klibi (Tunesie)
• 1990–1991: Assad al-Assad (Libanon) (kommissarisch)
• 1991–2001: Esmat Abdel Meguid (Ägypte)
• 2001–2011: Amr Moussa (Ägypte)
• 2011–0000: Nabil al-Arabi (Ägypte)

Anne 2005 isch e Ibergangsbarlemänt bschlosse wore, wu dr Ufböu vun eme permanänte Arabische Barlemänt soll vorberaite. S bstoht us vier Delegierte fir e jedes Ligamitglid, zurzyt also us 88 Delegierte, un daagt z Kairo. S het nume ne berotendi Funktion. S permanänt Arabisch Barlemänt soll syy Sitz z Damaskus haa.

Arabischi Mänscherächtskarta

D Arabisch Karta vu dr Mänscherächt isch anne 1994 vum Rot vu dr Arabische Liga verabschidet wore.^[4] Wel si nit vu gnue Staate ratifiziert woren isch, isch si nit in Chraft drätte un bildet kai velkerrächtlig anerkännt Inschtrumänt. E iberarbaiteti Fassig vu dr Arabische Mänscherächtskarta isch anne 2004 vu dr Arabische Liga verabschidet wore.^[5] D Berotige iber dr Entwurf sin dur s UNO-Hochkommissariat fir Mänscherächt (UNHCHR) unterstitzt wore.

Mitglider

D 22 Mitglider sin:

• Agypten Ägypte (1945, vu 1979 bis 1989 Mitglidschaft suschpändiert wäg em Fridensverdrag mit Israel)
• Algerie Algerie (1962)
• Bahrain (1971)
• Dschibuti (1977)
• Irak Irak (1945)
• Jemen (Nordjemen syt 1945, Sidjemen 1967–1990 Mitglid – syt 1990 verainigt)
• Jordanie (1945)
• Katar (1971)
• Komore (1993)
• Kuwait Kuwait (1961)
• Libanon (1945)
• Libye (1953, 2011 zytwys suschpändiert)
• Marokko Marokko (1958)
• Mauretanie (1973)
• Oman (1971)
• Palastina Autonomiegebiete Palästinensischi Autonomiegebiet (1976, verdrätte dur d PLO)
• Saudi-Arabie (1945)
• Somalia (1974)
• Sudan (1956)
• Syrie (1945, 2011 suschpändiert, 2023 wider ufgnuu)
• Tunesie Tunesie (1958)
• Vereinigti Arabischi Emirat (1971)

Beobachter:

• Brasilien Brasilie syt 2003
• Eritrea Eritrea syt 2003
• Venezuela Venezuela syt 2006
• Indien Indie syt 2007
• Armenie

Beobachterstaate hän Vorschlagsrächt, nmache aber nit mit bi dr Abstimmige.

Gschicht

Dr Hauptgrund, ass di arabische Staate d Liga gschaffe hän, isch dr Versuech gsii, d Grindig vun eme jidische Staat Israel z verhindere. Scho in dr Johr 1937 un 1938 hän si uf Konferänze gege dr Zuezug vu europäische Jude uf Paleschtina broteschtiert.^[6]

Vorlaifer vu dr Arabische Liga isch s Alexandria-Protokoll vum Oktober 1944 gsii, wu speter mit em Pakt vu dr Liga vu dr Arabische Staate vum Merz 1945 zue dr Grindig vu dr Liga gfiert het. Di segs Grindigsmitglider sin Ägypte, Irak, Transjordanie, Libanon, Saudi-Arabie un Syrie gsii. Jemen isch im Mai 1945 byydrätte.

Dr velkerrächtlig Verdrag isch zerscht us em Konsultativ- un eme Nitaagriffspakt bstande. 1950 isch di Arabisch Liga dur e kollektive Verdaidigungspakt ergänzt wore. Anne 1951 het mer sich uf d Feschtlegig vu intärne Statute gainigt un anne 1953 isch e Generalsekretariat bildet wore.

Dr Sitz vu dr Organisation isch vu 1945 bis 1979 z Kairo (Ägypte) gsii. Wäg em Separatfriide zwische Ägypte un Israel isch d Mitgliidschaft vu Ägypte in dr Liga 1979 suschpändiert un dr Sitz vu dr Liga uf Tunis (Tunesie) verlait wore. Wu Ägypte anne 1989 wider in d Liga ufgnuu woren isch, isch dr Sitz anne 1990 wider uf Kairo verlait wore.

Gipfeldräffe

1. Vereinigti Arabischi Republik, Kairo: 13.–17. Jänner 1964
2. Vereinigti Arabischi Republik, Alexandria: 5.–11. Septämber 1964
3. Marokko Marokko, Casablanca: 13.–17. Septämber 1965
4. Sudan, Khartum: 29. August - 1. Septämber 1967
5. Marokko Marokko, Rabat: 21.–23. Dezämber 1969
6. Vereinigti Arabischi Republik, Kairo (1. Notdräffe): 21.–27. Septämber 1970
7. Algerie Algerie, Algier: 26.–28. Novämber 1973
8. Marokko Marokko, Rabat: 29. Oktober 1974
9. Saudi-Arabie, Riad (2. Notdräffe): 17.–28. Oktober 1976
10. Ägypte, Kairo: 25.–26. Oktober 1976
11. Irak, Bagdad: 2.–5. Novämber 1978
12. Tunesie Tunesie, Tunis: 20.–22. Novämber 1979
13. Jordanie, Amman: 21.–22. Novämber 1980
14. Marokko Marokko, Fès: 6.–9. Septämber 1982
15. Marokko Marokko, Casablanca (3. Notdräffe): 7.–9. Septämber 1985
16. Jordanie, Amman (4. Notdräffe): 8.–12. Novämber 1987
17. Algerie Algerie, Algier (5. Notdräffe): 7.–9. Juni 1988
18. Marokko Marokko, Casablanca (6. Notdräffe): 23.–26. Juni 1989
19. Irak, Bagdad (7. Notdräffe): 28.–30. Merz 1990
20. Agypten Ägypte, Kairo (8. Notdräffe): 9.–10. August 1990
21. Agypten Ägypte, Kairo (9. Notdräffe): 22.–23. Juni 1996
22. Agypten Ägypte, Kairo (10. Notdräffe): 21.–22. Oktober 2000
23. Jordanie, Amman: 27.–28. Merz 2001
24. Libanon, Beirut: 27.–28. Merz 2002
25. Agypten Ägypte, Scharm El-Scheich: 1. Merz 2003
26. Tunesie Tunesie, Tunis: 22.–23. Mai 2004
27. Algerie Algerie, Algier: 22.–23. Merz 2005
28. Sudan, Khartum: 28.–30. Merz 2006
29. Saudi-Arabie, Riad: 27.–28. Merz 2007
30. Syrie, Damaskus: 29.–30. Merz 2008
31. Katar, Doha: 28.–30. Merz 2009
32. Libye, Sirte: 30. Merz –1. April 2010
33. Irak Irak, Bagdad: 27.–29. Merz 2012
34. Katar, Doha: 21.–27. Merz 2013
35. Kuwait Kuwait, Kuwait-Stadt: 25.–26. Merz 2014:
36. Agypten Ägypte, Scharm El-Scheich: 28.–29. Merz 2015
37. Mauretanie, Nouakchott: 20. Juli 2016
38. Jordanie, Amman: 22.–29. Merz 2017
39. Saudi-Arabie, Dhahran: 15. April 2018

Sonderorganisatione

• Arab Air Carriers Organization (AACO)
• Arab Fund for Economy and Social Development (AFESD)
• Arab Monetary Fund (AMF)
• Arabischi Akademi fir Meerestransport
• Arabischi Bank fir Wirtschaftligi Entwicklig z Afrika
• Arabischi Gsundhaitsorganisation
• Arabischi Organisation fir Arbet
• Arabischi Organisation fir Erziehig, Kultur un Wisseschaft
• Arabischi Organisation fir Verwaltigswisseschafte
• Arabischi Boschtunion
• Arabischi Union fir Telekommunikation
• Arabischs Inschtitut fir Ärdelferderig
• Arabischs Inschtitut fir Satellitekommunikation
• Rot fir Arabischi Wirtschaftsainhait
• Verainigung vu dr arabische Rundfunkstatione
• Arabischi Organisation fir Standardisierig un Metrologi (ASMO), mittlerwyli ufglest

Fueßnote

1. Lueg s Grindigsdokumänt: Pact of the League of Arab States Archivlink (Memento vom 7. Oktober 1999 im Internet Archive), 22. Merz 1945, The Avalon Project, Yale Law School 1998.
2. vgl. Al-Arabi soll Arabische Liga führen uf tagesschau.de, 15. Mai 2011 (abgruefen am 15. Mai 2011).
3. Arab League uf rulers.org (englisch)
4. Arabischi Karta vu dr Mänscherächt, verabschidet vum Rot vu dr Liga vu dr arabische Staate am 15. Septämber 1994. Archiviert vom Original am 8. April 2011; abgruefen am 4. Dezember 2018. 
5. Text vu dr arabische Mänscherächtskarta vu 2004 (pdf, 20 S.) (Memento vom 28. April 2011 im Internet Archive)(franzesisch)
6. Robert W. Macdonald, The League of Arab States: A Study in the Dynamics of Regional Organization, Princeton 1965, S. 86 f.

Weblink

• Libyen.com – Die Arabische Liga
• Timeline: Arab League uf dr Websyte vu dr BBC

Mitgliider vo dr Arabische Liga Ägypte | Algerie | Bahrain | Dschibuti | Irak | Jemen | Jordanie | Katar | Komore | Kuwait | Libanon | Libye | Marokko | Mauretanie | Oman | Paleschtina | Saudi-Arabie | Somalia | Sudan | Syrie | Tunesie | Vereinigti Arabischi Emirat

Dä Artikel basiert uff ere fräie Übersetzig vu dere Version vum Artikel „Arabische_Liga“ vu de dütsche Wikipedia. E Liste vu de Autore un Versione isch do z finde.