Si isch au „First Lady of Soul“ oder „Queen of Soul“ gnännt wore. Ihre musikalisch Späktrum schließt au R&B, Gospel, Jazz bis zue Pop un Dance yy. In ihre johrzehntelange Karriere isch si vylfach mit em wichtigschte amerikanische Musikbryys Grammy uuszaichnet wore. Zue ihre bekannteschte Lieder zelle „Respect“", „Think“ un "„Chain of Fools“. Respect isch zur Hymne vu dr afroamerikanische Befreiigs- un dr Frauebewegig wore. Anne 1987 isch d Franklin as erschti Frau in d Rock and Roll Hall of Fame ufgnuu wore. D Musikzytschrift Rolling Stone het si 2010 di bescht Sängeri vu allne Zyte gnännt. 2009 het si bim Amtsaadrit vum US-Bresidänt Barack Obama gsunge.