Attischer Seebund

Dr delisch-attischi Seebund, churz vor em Usbruch vom Peloponnesische Chrieg

Dr Attischi Seebund (au Delisch-Attischi oder Attisch-Delischi Seebund) isch e Bündnissüsteem zwüsche Athen und vile Poleis in Chläiasie und uf de Insle vor dr Küste vo Anatolie im 5. Joorhundert v. d. Z. gsi.

Gschicht

Dr Attischi Seebund isch as Folg vo de Perserchrieg ins Lääbe grüeft worde, wo 480 v. d. Z. dur dr Siig vo de verbündete Grieche under dr Füerig vo Athen in dr Seeschlacht bi Salamis vorentschiide worde si. D Gründig vom Seebund 478/77 v. d. Z. het s Ziil ghaa, d Perser us dr Egeis mit iire griechisch besiidlete Insle und Randzone uusezhalte und wichdigi Seehandelswääg z schütze. D Athener häi drbii in milidäärischer und organisatorischer Hiisicht vo Aafang aa e gwüssi Füerigsrolle gspiilt und häi die im Zuug vo iirer innergsellschaftlige demokratische Umgstaltig zun ere Vormachtstellig usbaut. D Originalbezäichnig vom Seebund isch denn au gsi: „D Athener und iiri Mitkämpfer“ (hoi Athenaíoi kai hoi sýmmachoi).

Dr Ersti Attischi Seebund

Wo in dr Middi vom 5. Joorhundert d Gfoor, wo vo de Perser usgange isch, chlii usgsee het, isch s Seeriich, wo vo Athen beherrscht worde isch, zun ere immer gröössere Uuseforderig für die griechischi Landmacht Sparta und für dr Peloponnesisch Bund, wo si aagfüert het, worde. D Riwalidäät vo de bäide griechische Groossmächt het schliesslig zum Peloponnesische Chrieg gfüert. Die athenischi Herschaft über d Mitgliider vom Seebund isch denn absolut worde bis Athen dr Chrieg gege Sparta verloore het und dr Ersti Attischi Seebund ufglööst worde isch.

Dr Zwäiti Attischi Seebund

379/78 v. d. Z. isch e zwäite Attische Seebund gründet worde und das bewiist, ass d Schutzfunkzione grad bi de chliinere Poleis im Bund immer no gschetzt worde si, und dass immer no au wil Athen seer vil schwecher gsi isch und si Vormachtstellig nüme absolut gsi isch. Dr Ufstiig vo Makedonie zur griechische Groossmacht het denn dr Iifluss vo Athen in der Egeis no chliiner gmacht und Bundesgenosse häi afo abfalle. Wo Athen und sini Verbündete d Schlacht vo Chaironeia 338 v. d. Z. gege d Makedonier velore häi, het das s Ändi vom Zwäite Attische Seebund bedütet.

Lueg au

• S antike Griecheland
• Die attischi Demokratii
• Dr böotisch Bund
• Dr peloponnesisch Bund

Litratuur

Kwelle

• Urkunde des 2. Attischen Seebundes. Athen 377 v. Chr. In: Gerhard Pfohl (Hrsg.): Griechische Inschriften als Zeugnisse des privaten und öffentlichen Lebens. Griechisch-deutsch. 2. Aufl. Heimeran, Tübingen 1980, ISBN 3-7765-2032-9.

Sekundärlitratuur

• Jack Martin Balcer (Hrsg.): Studien zum Attischen Seebund. Univ.-Verl., Konstanz 1984, ISBN 3-87940-222-1. (Xenia. 8), ISSN 0936-8663
• J. Cargill: The Second Athenian League. Empire or free alliance?. University of California Press, Berkeley u. a. 1981, ISBN 0-520-04069-4.
• G. L. Cawkwell: The foundation of the Second Athenian Confederacy. In: Classical Quarterly. N. S. 23 = 67, 1973, ISSN 0009-8388 S. 47–60.
• Martin Dreher: Hegemon und Symmachoi. Untersuchungen zum Zweiten Athenischen Seebund. de Gruyter, Berlin - New York 1995. ISBN 3-11-014444-1, (Untersuchungen zur antiken Literatur und Geschichte. 46) (Gliichzitig: Konstanz, Univ., Habil.-Schr., 1991/92).
• Christian Meier: Athen. Ein Neubeginn der Weltgeschichte. Vom Autor durchgesehene und erweitere Taschenbuchausgabe. Goldmann, Münche 1995. ISBN 3-442-12852-8, (Goldmann. 12852. Ein Siedler-Buch bei Goldmann).
• Russell Meiggs: The Athenian empire. Repr., with corr. Clarendon Press, Oxford u. a. 1979, ISBN 0-19-814843-7.
• Wolfgang Schuller: Die Herrschaft der Athener im Ersten Attischen Seebund. de Gruyter, Berlin – New York 1974. ISBN 3-11-004725-X. (Zugleich: Berlin, Freie Univ., Habil.-Schr. 1971).

Weblingg

• Ian Morris: The Athenian Empire PDF; 144 KB.
• Jona Lendering: Artikel. In: Livius.org (änglisch)

Dä Artikel basiert uff ere fräie Übersetzig vum Artikel „Attischer_Seebund“ vu de dütsche Wikipedia. E Liste vu de Autore un Versione isch do z finde.