Ayent | |
---|---|
![]() | |
Basisdate | |
Staat: | Schwiiz |
Kanton: | Wallis (VS) |
Bezirk: | Ering |
BFS-Nr.: | 6082 |
Poschtleitzahl: | 1966 |
Koordinate: | 597513 / 125151 |
Höchi: | 967 m ü. M. |
Flächi: | 55.0 km² |
Iiwohner: | 4247 (31. Dezämber 2022)[1] |
Website: | www.ayent.ch |
![]() Anzère, i dr Gmeind Ayent | |
Charte | |
![]() |
Dialäkt: Wallisertitsch |
Ayent (fp. [ɛ̃n aɛ̃]) isch en Munizipaalgmei im Bizirk Ering im Kanton Wallis, Schwiz.
Zer Gmei Ayent gcheerunt di Deerfer Botyre, Luc, Saxonne, La Place, Blignou, Fortunau, Saint-Romain, Signèse, Villa, Argnou und Anzère.
Di Gmei gcheert als einzigi Gmei vaner rächt Sita vam Rhonetaal zum Bizirk Ering, wa suschter nummu Gmeinde süüdlich vam Rottu im Eringertaal derzüe gcheerunt.
Im Noordu geit ds Gmeigibiet bis uf ds Wildhooru emüf. Im Taal vaner Lienne isch dr See Lac de Tseuzier; das isch en Stausee, wa sit 1956 ds Wasser fer ds Chraftwäärch bi Saint-Léonard sammlut. Üser Lienne löift sit Jaarhunnertu Wasser in d Süona va Ayent, in d Süona va Sitte und ini Bisse de Clavoz zum Biwässru vanu Fäälder und Räbbäärga. Dur ds Taal vaner Lienne fiert der Füesswäg zum Rawilpass.
D Naachpürgmeinde va Ayent sind di Bäärner Gmeinde Lengg und Lauenu und d Walliser Gmeinde Icogne, Saint-Léonard, Sitte, Grimisuat, Arbaz und Savièse.
Ayent isch zum eerschtu Mal im Jaar 1052 als Agent (1250 als Argenta) erwäänts cho.
Quälla: Bundesamt fer Statistik 2005[2]
Jaar | 1850 | 1860 | 1870 | 1880 | 1888 | 1900 | 1910 | 1920 |
Iwoner | 1099 | 1120 | 1164 | 1242 | 1319 | 1450 | 1545 | 1746 |
Jaar | 1930 | 1941 | 1950 | 1960 | 1970 | 1980 | 1990 | 2000 |
Iwoner | 2027 | 2247 | 2289 | 2402 | 2722 | 2581 | 2759 | 3001 |
Dr Üsländeraateil isch 2010 bi 10,9 % glägu.[3]
86,4 % vanu Iwoner sind im Jaar 2000 römisch-katholisch gsi, 4,9 % evangelisch-reformiert.[3]
Dr Gmeipresidänt va Ayent isch dr Marco Aymon (Stand Oktoober 2017).
Bi dr Volchszellig 2000 heint vanu 3001 Iwoner 93,6 % Französisch als Höiptspraach agigä, 2,8 % Titsch, 0,5 % Italienisch und 3,1 % annri Spraache.[3]
Dr tradizionell Dialäkt va Ayent gcheert zum Frankoprovenzalischu.
Ufer Alpa Anzère isch es groossus Feeriudoorf für du Wintersport entstannu.