BTS (Band)

BTS
d’ BTS ànna 2022
d’ BTS ànna 2022
d’ BTS ànna 2022
Allgmeini Informatione
Härkumft Seoul, Südkoreà
Genre K-Pop, Hip-Hop, R&B
Gründig 2010
Website bts.ibighit.com
Aktuelli Bsetzig

Jin
Jimin
V
Suga
RM
J-Hope
Jung Kook

Dialäkt: Mìlhüüserdiitsch

BTS (àui Bangtan Boys; koreànisch: 방탄소년단 Bangtan Sonyeondan) ìsch a südkoreànischa Boygrupp, wo ànna 2010 vu dr Àgantüür Big Hit Entertainment gebìlda worra-n-ìsch. Sa beschteht üss sììwa Mìtglììder: dr Jin, dr Suga, dr J-Hope, dr RM, dr Jimin, dr V un dr Jungkook, wo zamma d’ maischta Liader düen schriiwa un produziara. Sa ìsch urschprìnglig a Hip-Hop-Grupp gsìì, àwwer ìhra Müüsikschtiil hàt sìch noh z’ noh zu Pop un R&B äntwìckelt. Ìn ìhra Liader wìrd um Gaischteszüaschtànd, d’ Schwiarigkaita-n-ìn da Jugendsjoohra, Salbschtliawa, Aigasìnnligkait un d’ Folga vu dr Beriahmthait grädd, villmol ìn Bezug zu dr Lìteràtüür, dr Filosofii un Konzäpter üss dr Seelakunda. D’ Gschìchtla, wo sa ärzeehla, fìnda-n-oft ìn’ra pàrallela Walt schtàtt.

Ìwerblìck

[ändere | Quälltäxt bearbeite]

Ìhr Debüü hàt d’ Grupp ànna 2013 mìt’m Sìnggelàlbum 2 Cool 4 Skool ghàà. Ànna 2014 hann d’ BTS ìhr äärscht Àlbum uff Koreànisch (Dark & Wild) un uff Jàpànisch (Wake Up) veräffentligt. Mìt ìhrem zwaita koreànischa Schtüdioàblum Wings (2016) hann sa zem äärschta Mol ain Millioon Schàllplàtta-n-ìm Südkoreà verkàuift. Ànna 2017 ìsch d’ Grupp ìnternàzionààl bekànnt worra un hàt d’ „Koreànischa Wälla“ ìn d’ Verainigta Schtààta gebrocht — doo hàt sa fìr d’ Sìnggel Mic Drop àls äärschta koreànischa Grupp a Guldiga-n-Üsszaichnung vu dr Recording Industry Association of America (RIAA) bikumma. Mìt’m Schtüdioàlbum Love Yourself: Tear (2018) hann sa àls äärschta südkoreànischa Kìnschtler a Nummer-Ains-Àlbum ìm Billboard 200 ghàà. Ànna 2020 hann d’ BTS àls aina vu da äärschta Gruppa sitter The Beatles (ànna 1966–1968) viar Nummer-Ains-Àlba ìn weeniger àls zwai Joohra plàtziart. Naawadràà hàt s’ Àlbum Answer (2018) àls äärscht koreànischa-n-Àlbum a Plàtiin-Üsszaichnung vu dr RIAA bikumma. Ìm gliicha Joohr sìnn d’ BTS àls äärschter südkoreànischer Kìnschtler mìt’m Sìnggel Dyamnite bis àm Schpìtzaplàtz vum Billboard 100 so wia vum Billboard Global 200 glunga. Üsserdam ìsch d’ Sìnggel fìr a Grammy Award nominiart worra. Mìt da Liader Savage Love, Life Goes On un Butter sìnn sa d’ Kìnschtler worra, wo-n-àm schnallschta viar Nummer-Ains-Sìnggel ìn da USA plàtziart hann — sitter’m Justin Timberlake ànna 2006.

Hìtt sìnn d’ BTS dr komerziäll ärfolgriichschta Kìnschtler ìm Südkoreà, mìt mehr àss 30 Millioona verkàuifta Plàtta (Schtànd: 2022). Ìhr Schtüdioàlbum Map of the Soul: 7 (2020) ìsch s’ Àlbum mìt da maischta Verkaif ìn dr Gschìchta vum Südkoreà, wia àui s’ äärschta Àlbum, wo-n-ìm Lànd mehr àss 5 Millioona mol verkàuift worra-n-ìsch. D’ BTS sìnn àui dr äärschta àsiàtischa Kìnschtler worra, wo siina Konzärter ìm Wembley Stadium un ìm Rose Bowl Stadium üssverkàuift hàt (Love Yourself World Tour, 2019). Ànna 2020 un 2021 ìsch d’ Grupp vu dr International Federation of the Phonographic Industry (IFPI) àls „Internàzionààler Kìnschtler vum Joohr“ ärnännt worra. D’ Grupp hàt mehrera American Music Awards bikumma, wia àui mehrera Billboard Music Awards un Golden Disk Awards. Üsserdam ìsch d’ Grupp fìr fìmf Grammy Awards nominiart worra. Naawa dr Müüsik hàt d’ Grupp dräimol vor àn dr Generààlversàmmlung vu da Verainta Nàzioona grädd un hàt ànna 2017 a Pàrtnerschàft mìt’m UNICEF gmàcht, fìr d’ Kàmpàània „Love Myself“ geega Gwàlt ààfànga. Sa sìnn amol vu dr Zìttschrìft Time àls „Fiahrer vu dr Naachschta Genràzioon“ gnännt worra un hann àui dr Ìwwenamma „Prìnza vum Pop“ bikumma. Üsserdam sìnn d’ BTS jewills vu 2017 bis 2019 vum Time bii da „25 iiflussriichschta Litt ìm Internet“ glischtet worra, so wia bii da „100 iiflussriichschta Litt ìn dr Walt“ ànna 2019. Ànna 2018 sìnn d’ Gruppmìtglììder d’ jìngschta Litt worra, wo mìt’m südkoreànischa Kültüürälla Verdianschtoorda-n-üsszaichent worra sìnn.

Ìm Jüüni 2022 hàt d’ Grupp bekànnt gaa, àss sa a Pàuisa wurd màcha, fìr àss d’ Mìtglììder ìhra pflìchtiga Militäärdianscht ìm Südkoreà känna laischta. A Wììderzammafiahrung ìsch fìr 2025 geplànt.

Diskogràfii

[ändere | Quälltäxt bearbeite]
Àlba-n-uff Koreànisch
  • Dark & Wild (2014)
  • Wings (2016)
  • Love Yourself: Tear (2018)
  • Map of the Soul: 7 (2020)
  • Be (2020)
Àlba-n-uff Jàpànisch
  • Wake Up (2014)
  • Youth (2016)
  • Face Yourself (2018)
  • Map of the Soul: 7 – The Journey (2020)

Tournee

[ändere | Quälltäxt bearbeite]
  • 2014: 2014 BTS Live Trilogy-Episode II: The Red Bullet
  • 2015: BTS Live Trilogy Episode I: BTS Begins
  • 2015: BTS's First Japan Tour-Wake Up: Open Your Eyes
  • 2015: The Most Beautiful Moment in Life On Stage
  • 2015: 2015 BTS Live Trilogy Episode II: The Red Bullet
  • 2016: The Most Beautiful Moment in Life On Stage: Epilogue
  • 2017: 2017 BTS Live Trilogy Episode III: The Wings Tour
  • 2018: Love Yourself World Tour
  • 2019: Speak Yourself Stadium World Tour

Lìteràtüür

[ändere | Quälltäxt bearbeite]
  • BTS (South Korean band). In: Encyclopædia Britannica. Encyclopædia Britannica, Inc. (britisches Englisch, britannica.com [abgerufen am 9. Februar 2023]).
  • Crystal S. Anderson: Soul in Seoul: African American Popular Music and K-pop. University Press of Mississippi, 2020, ISBN 978-1-4968-3009-8 (englisch).
  • Robert Hunt, Fenwick McKelvey: Algorithmic Regulation in Media and Cultural Policy: A Framework to Evaluate Barriers to Accountability. In: Journal of Information Policy. Band 9, 2019, S. 307–335, doi:10.5325/jinfopoli.9.2019.0307 (englisch).
  • Jin Dal Yong, Kim Youna: Transnational Cultural Power of BTS: Digital Fan Activism in the Social Media Era. In: The Soft Power of the Korean Wave: Parasite, BTS and Drama. Routledge, 2022, ISBN 978-1-00-310248-9, S. 142–154 (englisch).
  • Ju Hyunshik: Premediating a Narrative of Growth: BTS, Digital Media, and Fan Culture. In: Popular Entertainment Studies. ISSN 1837-9303, S. 19–33 (englisch, edu.au).
  • Sarah Keith: BTS as Cultural Ambassadors. In: Kim Youna (Hrsg.): The Soft Power of the Korean Wave: Parasite, BTS and Drama. Routledge, 2022, ISBN 978-1-00-310248-9, S. 152–167.
  • Kim Jyung Hyun: Hegemonic Mimicry: Korean Popular Culture of the Twenty-first Century. Duke University Press, 2021, ISBN 978-1-4780-1358-7 (englisch).
  • Kim Kyung Hyun: BTS and the World Music Industry. In: Kim Youna (Hrsg.): The Soft Power of the Korean Wave: Parasite, BTS and Drama. Routledge, 2022, ISBN 978-1-00-310248-9, S. 107–117 (englisch).
  • Kim Youna: Introduction: Popular Culture and Soft Power in the Social Media Age. In: Kim Youna (Hrsg.): The Soft Power of the Korean Wave: Parasite, BTS and Drama. Routledge, 2022, ISBN 978-1-00-310248-9, S. 1–38 (englisch).
  • Kim Young-dae: BTS–The Review: A Comprehensive Look at the Music of BTS. RH Korea, 2019, ISBN 978-89-255-6582-8 (englisch, ìwwersätzt vum H.J. Chung).
  • John Lie: BTS, the Highest Stage of K-Pop. In: Youna Kim (Hrsg.): The Soft Power of the Korean Wave: Parasite, BTS and Drama. Routledge, 2022, ISBN 978-1-00-310248-9, S. 118–128 (englisch).
  • Joseph S. Nye: Soft Power: The Means to Success in World Politics. Hachette UK, 2004, ISBN 978-0-7867-3896-0 (englisch).
  • Maud Quessard: Entertainment Diplomacy. In: Thierry Balzacq, Frédéric Charillon, Frédéric Ramel (Hrsg.): Global Diplomacy: An Introduction to the Theory and Practice. Palgrave Macmillan, 2020, ISBN 978-3-03028785-6, S. 279–296, doi:10.1007/978-3-030-28786-3_21.
  • Marc Shapiro: Burn the Stage: The Rise of BTS and Korean Boy Bands. Riverdale Avenue Books, 2018, ISBN 978-1-62601-490-9 (englisch).
  • Katy Sprinkel: BTS: One. Triumph Books, 2021, ISBN 978-1-64125-643-8 (englisch).

Weblìnks

[ändere | Quälltäxt bearbeite]
 Commons: BTS – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „BTS“ vu de änglische Wikipedia. E Liste vu de Autore un Versione isch do z finde.