Badisches Staatstheater Karlsruhe
S Baadische Staatstheater Karlsrue isch scho im 18. Joorhundert as herzogligs Hooftheater erwäänt worde und umfasst hüte d Sparte Opere und Konzärt mit dr Badische Staatskapälle Karlsrue, wo äins vo de eltiste Orchester uf dr ganze Wält isch, d Sparte Danz mit em Staatsballett Karlsrue und d Sparte Schauspiil mit em Staatstheater und em Junge Staatstheater.
S Theater het e guete Ruef und Bsuecher chömme au vo dr andere Site vom Rhii, us dr Südpfalz und us Frankriich. Überregional si d Händel-Festspiil Karlsrue, wo jeede Früelig stattfinde, und dr Opereball, wo im Mai veraastaltet wird und dr grösst im Südweste vo Dütschland isch.
Mit em Junge Staatstheater und dr Sparte Volkstheater brobiert s Huus nöiji Bsuechergrubbe aazzie. Alli zwäi Joor organisiert s Staatstheater Karlsrue mit andere die Öiropäische Kulturdääg. Im Juni 2013 findet do s Festival Premiéres für jungi öiropäischi Reschissöör statt, zämme mit Stroossburg und de Theater Le-Maillon Théâtre de Strasbourg und em Théâtre National de Strasbourg (TNS).
S Staatstheater Karlsrue isch für s beste Opere- und s beste Konzärtbrogramm z Dütschland 2012/13 uszäichnet worde. Sit dr Säsong 2011/12 läitet dr Peter Spuhler s Huus as Generalintendant. Es isch äins vo zwäi Staatstheater und wird vom Land Baade-Württebärg dräit. D Stadt Karlsrue zaalt d Helfti vo de Subwenzioone.[1]
Fuessnoote
[ändere | Quälltäxt bearbeite]- ↑ Ministerium für Wissenschaft, Forschung und Kunst Baden-Württemberg: Staatstheater Archivlink (Memento vom 12. Juli 2012 im Webarchiv archive.is), abgrüeft am 27. Februar 2012
Weblingg
[ändere | Quälltäxt bearbeite]
Commons: Badisches Staatstheater Karlsruhe – Sammlig vo MultimediadateieKoordinate: 49° 0′ 14,5″ N, 8° 24′ 21,9″ O
|
Dä Artikel basiert uff ere fräie Übersetzig vum Artikel „Badisches_Staatstheater_Karlsruhe“ vu de dütsche Wikipedia. E Liste vu de Autore un Versione isch do z finde. |