Benedikt II.

dr Benedikt II., Darstellig in dr Basilika Sankt Paul vor dr Muure

Dr Hailig Benedikt II. (* z Rom; † 8. Mai 685 au dert) isch vu 683 bis zue sym Dood Papscht un Bischof vu Rom gsii.

Lääbe un Wiirke

Dr Benedikt II. isch us dr reemische Familie vu dr Savelli chuu. Är isch Noofolgervum Leo II. gsii, und rotz ass er scho im Juni 683 gwehlt woren isch, isch er erscht am 26. Juni 684 gweiht wore, wel sy Wahl zerscht dur dr Chaiser Konstantin IV. z Konstantinopel het mieße bstetigt wäre.

Är het si erfolgrych Miei gee, d Weschtchilche mit em Herrscher vum Byzantinische Rych uuszsehne, nodäm dr Monotheletismusstryt vorhär e argi Lascht gsii isch fir s Verhältnis. Är het s zem Byschpel gschafft, ass d Wahl vu dr chimftige Päpscht dur dr Exarch z Ravenna het chenne bstetigt wäre. Au het er s gschafft, ass d Autokephalie vu Ravenna ufglupft woren isch. Am 8. Mai 685 isch er z Rom gstorbe.

Sy kadoolische Mahndaag isch sy Doodesdaag, dr 8. Mai.

Literatur

• Friedrich Wilhelm Bautz: Benedikt II., Papst. In: Biographisch-Bibliographisches Kirchenlexikon (BBKL). Band 1, Hamm 1975, Sp. 481–482.
• Georg Schwaiger: Benedikt II. In: Lexikon des Mittelalters (LexMA). Band 1, Artemis & Winkler, Münche/Züri 1980, ISBN 3-7608-8901-8, Sp. 1858.

Weblink

Vorgänger	Amt	Nachfolger
Leo II.	Papscht 684–685	Johannes V.

Normdate: GND: 100937586 | VIAF: 84482371

Dä Artikel basiert uff ere fräie Übersetzig vu dere Version vum Artikel „Benedikt_II.“ vu de dütsche Wikipedia. E Liste vu de Autore un Versione isch do z finde.