Berner Alpen im weiteren Sinne (SOIUSA)

D Bärner Alpe im wytere Sinne (Sektion. 12) innerhalb vu dr Weschtalpe.

D Bärner Alpe im wytere Sinn sin e Gebirgsgruppe in dr Weschtalpe. In dr SOIUSA-Gebirgsklassifikation un au in dr Partizione-delle-Alpi-Yydailig wäre si as Sektion 12 gfiert.

Dr hegscht Bärg isch s Finschteraarhorn mit 4'274 m.

Abgränzige

D Bärner Alpe im wytere Sinn gränze

• im Norde an d Schwyzer Voralpe abgränzt dur (vu Wescht no Oscht) Gryonne-Dal, Col de la Croix, Dar, Stigellegi, Simme, Geilsbach, Kandertal, Hohtürli, Sefinetal, Trümmeltal, Imfyschtere Grabe, Grossi Scheidegg, Riichebach, Aare, Gental, Jochpass, Grosstal un Isital
• im Weschte an d Savoyer Voralpe drännt dur dr Rottu
• im Sidweschte an d Walliser Alpe abgränzt dur s Rottutal
• im Sidoschte an di Lepontinische Alpe drännt dur Goms, Furkapass, Garsche, Ursere un Furkarüüss
• im Oschte an d Glarner Alpe im wytere Sinn abgränzt dur Rüüss un Rüüsstal

Gliderig

D Bärner Alpe sin e langzogeni Gruppe am Alpenordrand. Si bsteen us drei Untergruppe (SOUISA: Untersektione):

• Bärner Alpe im ängeren Sinn im Zäntrum (Finschteraarhorn 4'274 m ü. M.)
• Ürner Alpe im (Nord-)Oschte (Dammastock 3'630 m ü. M.)
• Waadtländer Alpe im (Sid-)Weschte (Les Diablerets 3'210 m ü. M.)

D Gränze vu däne drei Gruppe zuenand sin am Grimselpass un am Sanetschpass.

Literatur

• Sergio Marazzi: Atlante Orografico delle Alpi. SOIUSA. Pavone Canavese (TO), Priuli & Verlucca editori, 2005. ISBN 978-88-8068-273-8 (italienisch)
• Sergio Marazzi, La “Suddivisione orografica internazionale unificata del Sistema Alpino” (SOIUSA) (pdf; 1,6 MB)

Dä Artikel basiert uff ere fräie Übersetzig vu dere Version vum Artikel „Berner_Alpen_im_weiteren_Sinne_(SOIUSA)“ vu de dütsche Wikipedia. E Liste vu de Autore un Versione isch do z finde.