Bill Clinton

Bill Clinton (1993)
Unterschrift
Unterschrift

Dr William Jefferson „Bill“ Clinton (* 19. Augschte 1946 z Hope, Arkansas as William Jefferson Blythe III.) isch e US-amerikanische Bolitiker (Demokratischi Bartei) un isch vu 1993 bis 2001 dr 42. Bresidänt vu dr Verainigte Staate gsii. Vu 1979 bis 1981 un nomol vu 1983 bis 1992 isch er Gouverneur vu Arkansas gsii.

Bolitik

[ändere | Quälltäxt bearbeite]

Dr Clinton ghert em Fligel vu dr New Democrats (Neji Demokrate) aa, wu fir e „Dritte Wäg“ zwische dr bolitische Mitti un em Neoliberalismus stehn. Är isch dr Noofolger vum George Bush un Vorgänger vu sällem sym Suhn, em George W. Bush, gsii.

As Bresidänt het er innebolitisch di hoch Neiverschuldig eso massiv reduziert, ass d USA ab 1998 e uusglichene Huushalt ghaa hän. Sy Schwärpunkt isch uf dr Ussebolitik gläge. Är het zum Byschpel versuecht, zwische Israel un dr Paleschtinänser z vermittle. Anne 1999 het d NATO unter dr Fierig vu dr USA in dr Kosovochrieg yygriffe. In dr Amtzyt vum Clinton as Bresidänt isch au s Kyoto-Protokoll unterzaichnet wore, wu vu sym Noofolger George W. Bush aber wider abglähnt woren isch.

Inneboltisch iberschattet wore isch di zwoot Amtszyt vum Clinton vun ere Affäre mit dr Praktikanti Monica Lewinsky.

Privats

[ändere | Quälltäxt bearbeite]

Syter anne 1975 isch er mit dr Hillary Clinton ghyrote. Mit ihre het er e Dochter, d Chelsea.

Schrifte

[ändere | Quälltäxt bearbeite]
  • Mein Leben. Econ, Berlin 2004 ISBN 3-430-11857-3.
  • Giving: How each of us can change the world 2007 (ängl. Originaltitel).

Literatur

[ändere | Quälltäxt bearbeite]
  • Hillary Rodham Clinton: Gelebte Geschichte, Econ, München 2003, ISBN 3-430-11862-X.
  • Sydney Blumenthal: The Clinton Wars ISBN 0-374-12502-3.
  • Noam Chomsky: The Attack – Hintergründe und Folgen, 2002 ISBN 3-203-76013-4.
  • Joe Klein: Das Naturtalent – Die verkannte Präsidentschaft Bill Clintons, 2002 ISBN 3-88680-786-X.
  • Howard Zinn: Eine Geschichte des amerikanischen Volkes, Schwarzerfreitag, Berlin 2007, ISBN 978-3-937623-50-4.
  • Ludovic Roy: Die Finanz- und Wirtschaftspolitik des US-Präsidenten William Jefferson Clinton 1993–2001, Marburg 2003.
  • James T. Patterson: The Restless Giant. The United States from Watergate to Bush v. Gore, Oxford 2005.
[ändere | Quälltäxt bearbeite]
 Commons: Bill Clinton – Sammlig vo Multimediadateie