S’ Biogrààfisch-Bibliogrààfisch Kìrchaläxikon (Tìtel uff HoochdiitschBiographisch-Bibliographische Kirchenlexikon, kurz BBKL) ìsch a bibliogrààfisch Noochschlààgawark zär Kìrchagschìcht, wo ànna 1975 vum evànggeelischa Theoloog un Schrìftschtäller Friedrich Wilhelm Bautz grìnda worra-n-ìsch. ’S ärschiint ìm Verlààg Traugott Bautz. ’S ìsch z’äärscht vum Traugott Bautz (1945–2020) witterg’fiahrt worra un wìrd jetz vu dr Uta Timpe-Bautz g’laita.
Mìt ìwwer 20.000 Àrtìkel ìwwer g’schtoorwana Pärsoona ìsch s’ BBKL s’ wìchtigschta biogrààfischa Informàzioonskwalla ìwwer Litt vu dr Kìrcha- un Filosofiigschìcht. Àrtìkel gìtt’s ìwwer Litt vu dr Theologii, Gschìcht, Lìteràtüür, Müüsik, Moolaräi, Pedàgoogik un Filosofii; ìn jeedem Àrtìkel ìsch a Dàrschtällung vun ìhrer Àrwet, a Bibliogràfii vun ìhra Wark so wia-n-a Üsswàhl vu dr Sekundäärlìteràtüür.
Naawa wìssaschàftliga Dàrschtällunga sìnn àui ìm BBKL Àrtìkel, wo-n-üss volkstìmmliga Hailigakàlander zammag’schtällt sìnn. B’sunders dr Ìnnsbrucker Kìrchagschìchtsforscher Ekkart Sauser ìsch fìr siina zààhlriicha BBKL-Àrtìkel kritisiart worra.[1] D’ grooba Fahler un Üsslàssunga waara ìn dr Online-Üssgààb vum BBKL dur Züasatz un Noohtraag korrigiart.
S’ gànza Wark ìsch àb 1996 koschtaloos ìm Internet z’ laasa gsìì. Zitter Àwrìl 2011 kààt maa numma noch weeniga Ziihlta vum Àrtìkelààfàng fräi laasa; fìr dr gsàmta Täckscht ààzaiga — iischliasslig d’ Wark- un Lìteràtüürààgààwa — müassa maa fìr a Àbonnement b’zààhla.[2] Bii ainiga Àrtìkel, b’sunderscht üss friahjera-n-Ufflaag, hann d’ Àuitoora ìhr Wark ìwwer àndra Server wììder koschtafräi züaganglig g’màcht.[3]
Traugott Bautz, Bernd Jaspert (Hrsg.): 50 Jahre Biographisch-Bibliographisches Kirchenlexikon. Ein Weg in die Zukunft. Verlag Traugott Bautz, Nordhausen, ISBN 978-3-95948-351-3 (1060 S., Iigschränkti Vorschau uf books.google.de).