Bolsena
| Bolsena | ||
|---|---|---|
|
| |
| Staat: | Italie | |
| Region: | Latium | |
| Provinz: | Viterbo (VT) | |
| Koordinate: | 42° 39′ N, 11° 59′ O | |
| Hechi: | 350 m s.l.m. | |
| Flechi: | 63,9 km² | |
| Yywohner: | 3739 (31. Dez. 2022)[1] | |
| Bevelkerigsdichti: | 58 Yyw./km² | |
| Poschtleitzahl: | 01023 | |
| Vorwahl: | 0761 | |
| ISTAT-Nummer: | 056008 | |
| Demonym: | Bolsenesi | |
| Schutzpatron: | Santa Cristina | |
| Website: | Bolsena | |
Bolsena isch e Stadt mit 3739 Iiwooner (Stand 31. Dezember 2022) in dr Browinz Viterbo in dr italiänische Regioon Latium.
 |
Geografii
[ändere | Quälltäxt bearbeite]Bolsena lit zmidst in de Monti Volsini am Bolsenasee, eme Kratersee wo entstande isch, won e Caldera iigstürzt isch. Dr Vulcano Vulsinio het vor öbbe 600'000 Joor aktiv worde bis zum letschte Mol im Joor 103 v. d. Z.[2]
Zur Gmäind ghööre au d Ortsdäil Sant’Antonio und Val di Lago.
D Nochbergmäinde si Bagnoregio, Capodimonte, Castel Giorgio (TR), Gradoli, Montefiascone, Orvieto (TR) und San Lorenzo Nuovo.
Vercheer
[ändere | Quälltäxt bearbeite]Bolsena lit an dr Staatsstrooss SS 2 Via Cassia, wo Rom mit Floränz verbindet. Dr neggst Baanhoof befindet sich z Montefiascone. Buslinie verbinde d Stadt u. a. mit Orvieto, Viterbo und Rom.
Gschicht
[ändere | Quälltäxt bearbeite]Woorschinlig isch Bolsena entstande, wo d Römer d Iiwooner vom erooberete etruskische Hauptort Volsinii doo aane umgsiidlet häi, vo do chunnt si antik Naame Volsinii Novi. Es git Wüsseschaftler wo vermuete, ass s zentrale Häiligdum vo de Etrusker für e Gott Voltumna, s Fanum Voltumnae, ganz in dr Nööchi gsi sig. Z Bolsena cha mä Usgraabige go aaluege, won e Däil vo de römische Stadtaalaage (dr grooss Hauptblatz, Zistärne, Amphitheater, Katakombe) freigläit häi. D Via Cassia, äini vo de alte Römerstroosse, wo vo Rom us in d Toskana goot und vo dört bis uf Genua, goot dur Bolsena. Im Middelalter isch die Strooss Däil vom Pilgerwääg Via Francigena gsi, wo d Pilger druf vo Canterbury z Ängland über d Alpe bis uf Rom zooge si.
Literatur
[ändere | Quälltäxt bearbeite]- Christoph Henning: Latium. Das Land um Rom. Mit Spaziergängen in der Ewigen Stadt (= DuMont-Kunst-Reiseführer). 3. aktualisierte Auflage. DuMont-Reiseverlag, Ostfildern 2006, ISBN 3-7701-6031-2.
Weblingg
[ändere | Quälltäxt bearbeite]
Commons: Bolsena – Sammlig vo Multimediadateie- D Website vo dr Gmäind (italiänisch)
- Portal zu Bolsena (italiänisch, änglisch, dütsch)
- Bolsena uf www.comuni-italiani.it (italiänisch)
Fuessnoote
[ändere | Quälltäxt bearbeite]- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
- ↑ Istituto Italiano di Idrobiologia (PDF; 497 kB)
|
Dä Artikel basiert uff ere fräie Übersetzig vum Artikel „Bolsena“ vu de dütsche Wikipedia. E Liste vu de Autore un Versione isch do z finde. |