Cap und Capper
| Filmdate | |
|---|---|
| Dütsche Titel | Cap und Capper |
| Originaltitel | The Fox and the Hound |
| Produktionsland | USA |
| Originalsprooch | Englisch |
| Erschiinigsjoor | 1981 |
| Lengi | 83 Minute |
| Altersfreigoob | FSK 0 |
| Stab | |
| Regie | Ted Berman Richard Rich Art Stevens |
| Dräibuech | Larry Clemmons Ted Berman David Michener Peter Young Burny Mattinson Steve Hulett Earl Kress Vance Gerry |
| Produktion | Ron Miller Wolfgang Reitherman Art Stevens |
| Muusig | Buddy Baker |
| Schnitt | James Koford James Melton |
Cap und Capper (Originaltitel: The Fox and the Hound), z Dytschland urspringlig unter em Titel Cap und Capper – Zwei Freunde auf acht Pfoten vereffentligt, isch e US-amerikanische Zaichetrickfilm vu dr Regisseur Ted Berman un Richard Rich vu anne 1981. Dr Film isch dr 24. lang Disney-Zaichetrick-Kinofilm un verzellt d Gschicht vu dr Fryndschaft zwischen em Fuchs Cap un em Hund Capper. Är basiert uf em Roman Fuchsspur-Geschichte einer Feindschaft (Originaltitel: The Fox and the Hound) vum Daniel P. Mannix. 2006 isch d Furtsetzig Cap und Capper 2 erschine, wu diräkt fir dr Video- bzw. DVD-Markt produziert woren isch. Dää spilt in dr Chindhait vu dr bode Hauptfigure.
Handlig
[ändere | Quälltäxt bearbeite]Dr Cap, e verwaist Fuchsjungs, wird vu dr Witfrau Tweed ufzoge un schließt Fryndschaft mit em Capper, eme junge Jagdhund. Wun er greßer wird, leert dr Capper s Jage un begryft, dass au syy Frynd Cap zue dr Bytediert ghert. Derzue verdrage sich dr dr Jeger un d Witfrau Tweed nit guet mitenander. Zum Schutz wird dr Cap in e Wildreservat brocht, wun er sich in d Foo Vixie verliebt. Dr Capper un sy Heer jage dr Cap aber au im Reservat. Wu s ärnscht wird, merke di bede aber, dass Fryndschaft cha sterker syy wie usseri Zwäng.
Produktionsnotize
[ändere | Quälltäxt bearbeite]- D Produktion het scho anne 1977 aagfange, het sich aber verzegeret, wel Zacihner us em Disney-Team gwächslet hän.
- Dr Film bstoht us rund 360.000 Zaichnige, 110.000 Folie un 1.100 Hintergrundbilder.
- S Budget vum Film isch bi rund 12 Millione US-Dollar gläge. Dr Film het in dr Kino vu dr USA 39,9 Millione US-Dollar yygspilt.[1]
- S Video giltet in dr USA as beschts Chindervideo 1994.
- In dr amerikanische Originalfassig hän dr Cap un Capper anderi Nämme: dr Cap haißt Tod un dr Capper haißt Copper.
- Fir di dytsch Videovereffentlichung 1995 hän e baar Sprächer nomol in s Studio mieße. Dr Name Vixie isch gege Trixie duscht wore. Bi dr DVD-Erschtvereffentlichung 2001 isch aber wider irrtimligerwys Vixie zum Yysatz chuu.[2]
Kritik
[ändere | Quälltäxt bearbeite]„Ein eher konventionell gestalteter Zeichentrickfilm […] In seiner Ruhe und Naturverbundenheit erinnert vieles in dem Film an ‚Bambi‘. Ein sympathischer, wenn auch weniger einprägsamer Film mit dem starken moralischen Aufruf zu mehr Verständnis, Friedfertigkeit und einsichtsvollem Miteinander.“
Uuszaichnige
[ändere | Quälltäxt bearbeite]- 1982 het dr Film e Nominierig fir dr Saturn Award as Bester Fantasy Film iberchuu.
- Dr Film het 1982 z Dytschland d Goldene Leinwand iberchuu.
Fueßnote
[ändere | Quälltäxt bearbeite]Literatur
[ändere | Quälltäxt bearbeite]- Daniel P. Mannix: Fuchsspur. Geschichte einer Feindschaft (Originaltitel: The Fox and the Hound). Deutsch von Margaretha von Reischach-Scheffel. Mit Illustrationen von John Schoenherr. Deutsche Buch-Gemeinschaft, Berlin, Darmstadt und Wien 1970, 283 S.
- Elmar Biebl, Dirk Manthey, Jörg Altendorf et al.: Die Filme von Walt Disney. Die Zauberwelt des Zeichentricks. 2. Auflage, 177 S. Milchstraße, Hamburg 1993, ISBN 3-89324-117-5
Weblink
[ändere | Quälltäxt bearbeite]- Offiziälli Websyte zum Film
- Cap und Capper in dr Internet Movie Database
- Sammlig vo Kritike zue Cap und Capper uf Rotten Tomatoes (änglisch)
|
Dä Artikel basiert uff ere fräie Übersetzig vum Artikel „Cap_und_Capper“ vu de dütsche Wikipedia. E Liste vu de Autore un Versione isch do z finde. |