Dr Chanakya (Sanskrit: चाणक्य Cāṇakya) (* um 350 v. Chr.; † um 283 v. Chr.) isch e Minischter un ängschte Beroter vum Chandragupta Maurya (* um 340 v. Chr.; † um 293 v. Chr.), em erschte Chaiser vum altindische Maurya-Ryych, gsii un het e großi Roll gspiilt bim Ufstiig vum Chandragupta Maurya.
Zwai Biecher wäre em Chanakya zuegschriibe: Arthashastra un Nitishastra. S Arthashastra isch e bolitisch Lehrbuech, wu iber Gäld- un Finanzbolitik, internationali Beziehige, militerischi Strategie un anderi Staatsaagläägehaite dischpetiert. Dr Verfasser vu däm Buech nännt sich „Kautilya“, wu mit em Chanakya identifiziert wird. S wird aber vermuetet, dass no ne andere Autor Dail byydrait het. S Nitishastra isch e Schrift iber di ideal Lääbeswyys, wu vil iberliferet iber di indisch Kultur in sällere Zyt.