Chandragupta II. | |
---|---|
Kaiser vo Gupta | |
![]() | |
Regierigsziit | 375–415 n. d. Z. |
Vorgänger | Ramagupta |
Nochfolger | Kumara Gupta I. |
Verhürotet mit | Dhruvuswamini |
Dr Chandragupta II. isch von öbbe 375 bis 413/15 n. d. Z. dr Kaiser vom nordindischen Gupta-Riich gsi. Er het dr Binaame Vikramaditya („Wälteroberer“) ghaa. Wääred sinere lange Heerschafts het Indie e politisch-milidäärischi, wirtschaftligi und kulturelli Blüetezit erläbt. Dr Chandragupta II. gältet as groosse Förderer vo de Künst, was sich in dr Archidektuur und au in dr bildende Kunst in e Hufe Skulptuure manifestiert (Sanchi, Sarnath u. a.). Im Umfäld vom königliche Hoof häi usserdäm vili Dichder gschafft, drunder au dr berüemti Kalidasa.