Corcelles-Cormondrèche | |
---|---|
Basisdate | |
Staat: | Schwiiz |
Kanton: | Nöieburg (NE) |
Bezirk: | (Dr Kanton Nöieburg kännt sit 2018 kä Bezirk me.) |
BFS-Nr.: | 6407 |
Poschtleitzahl: | 2035 Corcelles 2036 Cormondrèche |
Koordinate: | 557228 / 204049 |
Höchi: | 550 m ü. M. |
Flächi: | 4.86 km² |
Iiwohner: | Expression-Fähler: Nit erwartete Operator: <Ungültiger Metadaten-Schlüssel 6407 (31. Dezämber 2022)[1]
|
Website: | corcelles-cormondreche.ch |
Charte | |
Corcelles-Cormondrèche (frankoprovenzalisch [kɔrˈsalɛ kmõˈdrɛtʃ]) isch e Gmai vom Kanton Nöueburg.
Corcelles-Cormondrèche umfasst di beide Stroßederfer Corcelles un Cormondrèche. Dr Bann umfasst 33 Prozänt landwirtschaftligi Flechi, 42 Prozänt Wald un 25 % Sidligsflechi. D Gmai wird zur Region See zellt.
D Nochbergmaine vu Corcelles-Cormondrèche sin Milvignes, Rochefort, Val-de-Ruz un Peseux.
Corcelles isch zum erschte Mol gnännt wore anne 1092 as Curcellis (1228 Corsales), Cormondrèche 1178 as Cormundresge (1215 Cormundresche, um 1220 Cormundreschi).
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Bis Endi 2017 hät d Gmai zum Bezirk Boudry gheert.
Quälle: Bundesamt für Statistik 2005[2]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 823 | 1190 | 1364 | 1418 | 1469 | 1460 | 1578 | 1785 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 1916 | 2095 | 2243 | 2932 | 3320 | 3141 | 3336 | 3914 |
Dr Uusländeraadail isch 2010 bi 31,1 Prozänt gläge.
36,4 Prozänt vo dr Yywooner sin evangelisch-reformiert, 32,3 Prozänt sin römisch-katholisch (Stand 2000).
Bi dr Nationalrootswahle 2011 het s des Ergebnis gee: BDP 3,0 %, CVP 3,6 %, FDP 30,8 %, Grüeni 9,8 %, POP 1,2 %, SP 22,8 %, SVP 22,9 %.
D Gmaindsbresidänti isch d Claire Hunkeler (Stand 2019).
Corcelles un Cormondrèche sind alti Wybuuredörfer. Im 20. Johrhundert isch Induschtry id Gmeind cho, wo sech langsam zum ene Vorort vo Nöieburg entwicklet het.
D Arbetslosigkait isch anne 2011 bi 6,2 % gläge.
Bi dr Volkszellig 2000 hän vu dr 3914 Yywohner 82,8 % Franzesisch as Hauptsproch aagee, 3,9 % Dytsch, 4 % Italienisch un 9,2 % anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.[3][4]