Courlevon

Courlivon
(zu Murte)
S Wappe vo Courlivon (zu Murte)
S Wappe vo Courlivon
(zu Murte)
Basisdatä
Staat: Schwiiz
Kanton: Friburg (FR)
Bezirk: See/Lacw
Gmeind Murte
PLZ 1795
Koordinate: 575103 / 193385Koordinate: 46° 53′ 28″ N, 7° 6′ 43″ O; CH1903: 575103 / 193385
Höchi: 556 m ü. M.
Flächi: 3,27 km²
Iiwohner: 293 (2015)[1]
Website www.murten-morat.ch
di ehemaligi Chäserei vo Courlivon
di ehemaligi Chäserei vo Courlivon

di ehemaligi Chäserei vo Courlivon

Charte
BEMERKUNG_KARTE=ww
wo d Gmeind vor der Fusion am 1. Jänner 2016 gsi isch

Courlivon isch es Dorf ir Gmeind Murte u ghört zum Seebezirk (franzöösisch District du Lac) vom Kanton Friburg. Bis 2015 isch es e eigeni politeschi Gmeind gsii.

Name u Sprach

[ändere | Quälltäxt bearbeite]

Dr offiziell Name vo Courlivon isch "Courlevon", wüu dr Ort ursprünglech mau ganz französischsprachig isch gsii; hüt redt d Bevöukerig zum gröschte Teil Friburger- oder Bärndütsch.

Vo de Bewoner rede 94 Prozänt Schwizerdütsch, 5 Prozänt Französisch u eis Prozänt Portugisisch (Stand 2000). I däre ursprünglech französischsprachige Gmeind het sech ds Verhäutnis zwüsche Französisch u Dütsch im Louf vom 19. Jahrhundert umgkehrt. Wi das aber so im Sprachgränzgebiet üeblich isch, si vili doch biläng oder chöi sech zmingscht ir andere Sprach verschtändige wes druf abchunt.

Geografi

[ändere | Quälltäxt bearbeite]

Courlivon isch uf 556 Meter über Meer u 4 Kilometer südlech vom Bezirkshouptort Murte. Das Buredorf ligt uf emene Plateau südlech über em Murtesee, weschtlech vo der Waudhöchi Oberhouz, im Friburger Mittuland.

Zu Courlivon göre o der Wyler Couschibärli, wo früecher o e säubständigi Gmeind isch gsi, u o no es paar Einzuhöf.

D Nachburgmeinde vo Courlivon si früener gsii: Cressech, Walleried, Villarepos u Courwouf im Kanton Friburg u Mönchewiler, en Exklave vom Kanton Bärn.

Gschicht

[ändere | Quälltäxt bearbeite]

Dr Ortsname chunt s erschte Mau in ere Urkunde vo ane 1214 vor. Er het dört Curlivin gheisse. Das bedüütet «der Hof vom Livinus»; d Wurzle court chunt vom latinische curtis, wo äbe «dr Hof» heisst.

Scho im Midduauter het s Dorf zur Herrschaft Murte ghört.

Ane 1875 het d Chäsergselschaft vom Dorf s aute Schuelhuus chönne dr Gmeind abchaufe zum e Chäsi irichte.

Uf de 1. Jänner 2016 hed Courlivon zäme mit Jeuss, Lurtige u Salvenach mit de Gmeind Murte fusioniert.

Kultur

[ändere | Quälltäxt bearbeite]

Sit em Herbscht 2016 gits im Dorf Courlivon – wo säuber gar nie are Isebahnlinie agschlosse isch gsii – i der aute Chäserei ds Isebahn- u Sammler-Museum Courlivon ESMC.

Literatur

[ändere | Quälltäxt bearbeite]
[ändere | Quälltäxt bearbeite]
 Commons: Courlevon – Sammlig vo Multimediadateie

Fuessnote

[ändere | Quälltäxt bearbeite]
  1. ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)