Cugnasco-Gerra
| Cugnasco-Gerra | |
|---|---|
 | |
| Basisdate | |
| Staat: | Schwiiz |
| Kanton: | Tessin (TI) |
| Bezirk: | Locarno |
| Kreis: | Navegna |
| BFS-Nr.: | 5138 |
| Poschtleitzahl: | 6516 |
| Koordinate: | 714307 / 114802 |
| Höchi: | 225 m ü. M. |
| Flächi: | 35.8 km² |
| Iiwohner: | 2851 (31. Dezämber 2022)[1] |
| Website: | www.cugnasco-gerra.ch |
 Gerra | |
| Charte | |
 | |
Cugnasco-Gerra isch e Gmai im Kanton Tessin in dr Schwyz. Si ghert zum Chrais (circolo) Navegna im Bezirk Locarno.
Geografi
[ändere | Quälltäxt bearbeite]Cugnasco-Gerra lyt am Rand vu dr Magadinoebeni. Zue Cugnasco ghere d Fraktione Boscioredo, Bosco, Cugnasco, Massarescio, Medoscio, Moncucco, Pianrestello un Sciarana. Zue Gerra ghere d Enklave Gerra Piano un Agarone in dr Ebeni un Gerra Valle uf 826 m im Verzascadal.
Gschicht
[ändere | Quälltäxt bearbeite]D Gmai Cugnasco-Gerra isch entstande am 20. April 2008 dur d Fusion vu dr bishärige Gmaine Cugnasco un Gerra (Verzasca).
Cugnasco isch zum erschte Mol gnännt wore anne 1374 as Cunyascho. Di eltschte Sidlige sin d Maiesäss vu Ditto un Curogna im Verzascadal, d Sidlige in dr Ebeni, wu vilmol vu Wildbäch un em Fluss Tessin iberschwämmt wore sin, sin erscht speter entstande. D Ortschaft Cugnasco isch vu Hirte grindet wore, wu als mit ihrem Vih in dr Magadinoebeni iberwinteret hän. Im 13. un 14. Jh. sin e Hufe Lyt us em Verzascatal un vu dr Maiesäss Ditto un Curogna in d Ebeni zoge.
Gerra isch zum erschte Mol gnännt wore anne 1387 as Giera. Bis 1852 het s Dorf zue Brione ghert. D Enklave Gerra Piano un Agarone sin anne 1920 zue Gerra chuu, wu d Steibsitz Locarno, Minusio un Mergoscia im Biet vu dr Terricciole ufghobe woren isch.
Verwaltig
[ändere | Quälltäxt bearbeite]Dr Burgermaischter (Sindaco) vu Cugnasco-Gerra isch dr Luigi Gnesa.
Bevelkerigsentwicklig
[ändere | Quälltäxt bearbeite]Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Cugnasco | 349 | 562 | 593 | 689 | 624 | 433 | 482 | 435 |
| Gerra | ... | 394 | 186 | 426 | 226 | 413 | 375 | 292 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Cugnasco | 513 | 451 | 473 | 428 | 549 | 593 | 821 | 1120 |
| Gerra | 440 | 424 | 451 | 474 | 605 | 805 | 948 | 1098 |
Dialekt
[ändere | Quälltäxt bearbeite]Dr lombardisch Dialäkt vu Cugnasco-Gerra ghert zum Ticinese.
Böuwärch
[ändere | Quälltäxt bearbeite]- Kapäll Beata Vergine delle Grazie, Cugnasco (15. Jh., Freske us em 16. un 17. Jh.)
- Probschteichilche S. Giuseppe, Cugnasco (1635-56)
- Kapäll S. Martino, Ditto (14./15. Jh.)
- Kapäll SS. Cristoforo e Anna, Curogna (14./15. Jh.)
- Chilche S. Giovanni Evangelista, Gerra (1819, Vorgängerböu sin scho im 15. Jh. belait, sin aber zwaimol gschlisse wore: am Änd vum 16. Jh. dur e Bärgsturz un 1817 dur e Iberschwämmig)
- Chilche Sacro Cuore, Gerra Piano (1930)
-
Kapäll SS. Cristoforo e Anna, Curogna -
Cugnasco
Literatur
[ändere | Quälltäxt bearbeite]- Virgilio Gilardoni: I monumenti d’arte e di storia del Canton Ticino, volume III: L’alto Verbano II. I circoli del Gambarogno e della Navegna. (= Die Kunstdenkmäler der Schweiz. Band 73). Hrsg. Gesellschaft für Schweizerische Kunstgeschichte SKG. Bern 1983, ISBN 3-7643-1500-8, S. 139–164.
- Simona Martinoli und andere: Guida d’arte della Svizzera italiana. Edizioni Casagrande, Bellinzona 2007, ISBN 978-88-7713-482-0, S. 160–162.
- Franco Binda: Il mistero delle incisioni, Armando Dadò editore, Locarno 2013, ISBN 978-88-8281-353-6.
Weblink
[ändere | Quälltäxt bearbeite]
Commons: Cugnasco-Gerra – Sammlig vo Multimediadateie- http://www.cugnasco-gerra.ch
- Daniela Pauli Falconi: Cugnasco. In: Historisches Lexikon vo dr Schwiiz.
- Daniela Pauli Falconi: Gerra (Verzasca). In: Historisches Lexikon vo dr Schwiiz.
Fueßnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 7. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
