Delhi

Delhi – दिल्ली
Status:	Unionsterritorium (UT)
Hauptstadt:	Neu-Delhi
Flechi:	1,483 km² (UT)^[1]
Iiwooner:	16.787.941 (UT) (2011)^[1]
Bevölkerigsdichti:	11.320 Iiwooner bro km² (UT) (2011)^[1]
Amtssprooche:	Hindi, Urdu, Panjabi
Gouverneur:	Najeeb Jung
Chief Minister:	Arvind Kejriwal (AAP) seit 14. Februar 2015
Website:	www.delhi.gov.in
ISO-Code:	IN-DL
Karte

Delhi (Hindi दिल्ली, Urdu دلی, Panjabi: ਦਿੱਲੀ; Dillī [ˈdɪlːi]) isch e Metropole im Norde vo Indie und as Nazionals Hauptstadtterritorium Delhi (National Capital Territory of Delhi, churz NCT) en Unionsterritorium, wo diräkt dr indische Zentralregierig understellt isch. Zu Delhi ghöört au die indischi Hauptstadt Nöi-Delhi.

Geografy

S Unionsterritorium understoot diräkt dr indische Zentralregierig, het aber sit 1992 e Sonderstatus, won em e gwüsses Maass an Sälbstverwaltig loot. So het Delhi en äignigs Parlamänt (Delhi Legislative Assembly) und en äigeni Regierig. Die wird vom ene Chief Minister gläitet, wo vom Parlamänt gweelt wird. S Hauptstadtterritorium Delhi isch sit 2012 in elf Distrikt iidäilt.

Uf dr kommunale Ebeni understoot Delhi käinere äihäitlige Stadtverwaltig, sondern isch in die fümf Statutarstedt (statutorty towns) North Delhi, South Delhi, East Delhi, Nöi-Delhi und Delhi Cantonment iidäilt, wo jedi von ene iiri äigeni Stadtverwaltig het. North Delhi, South Delhi und East Delhi si 2012 entstande, wo d Delhi Municipal Corporation ufglööst und in drei Statutarstedt iidäilt worde isch.

Delhi het öbben 11 Millionen Iiwooner (Volkszelig 2011) im urbane Däil vo dr Municipal Corporation of Delhi, wo 2012 ufglöst worde isch, und 16,8 Millione im Hauptstadtterritorium (Volkszelig 2011). Si isch noch Mumbai die zwäitgrössti Stadt und het die zwäitgrössti Agglomerazion in Indie und ghöört zu de Megastedt vo dr Wält.

D National Capital Region isch e Blaanigsbehörde, wo ane 1991 iigfüert worde isch und wo witi Däil vo de Bundesstaate nääbedraa Haryana und Uttar Pradesh und bis uf Rajasthan mit de Groossstedt Gurgaon, Ghaziabad, Noida, Faridabad, Meerut usw. iischliesst und im Ganze e Bevölkerig vo öbbe 45 Millione Iiwooner het.

Litratuur

Dietmar Rothermund: Delhi, 15. August 1947. Dtv, 1998. ISBN 3-423-30608-4

Weblingg

Commons: Delhi – Sammlig vo Multimediadateie

Fuessnoote

↑ ^1,0 ^1,1 ^1,2 Census of India 2011: States Census 2011. Abgruefen am 19. Februar 2015 (änglisch, Daten für das Unionsterritorium).

Indischi Bundesstaate und Unionsterritorie


Hüütigi Bundesstaate	Andhra Pradesh • Arunachal Pradesh • Assam • Bihar • Chhattisgarh • Goa • Gujarat • Haryana • Himachal Pradesh • Jharkhand • Karnataka • Kerala • Madhya Pradesh • Maharashtra • Manipur • Meghalaya • Mizoram • Nagaland • Odisha • Punjab • Rajasthan • Sikkim • Tamil Nadu • Telangana • Tripura • Uttarakhand • Uttar Pradesh • Westbengalen
Unionsterritorie	Andamanen und Nikobaren • Chandigarh • Dadra und Nagar Haveli und Daman und Diu • Delhi • Jammu und Kashmir • Ladakh • Lakshadweep • Puducherry
Ehemooligi Bundesstaate	Ajmer • Andhra • Bhopal • Bilaspur • Bombay • Coorg • Hyderabad • Jammu und Kashmir • Kachchh • Madhya Bharat • Mysore • Patiala and East Punjab States Union • Saurashtra • Travancore-Cochin • Vindhya Pradesh

[UT-1] 1,0 ^1,1 ^1,2 Census of India 2011: States Census 2011. Abgruefen am 19. Februar 2015 (änglisch, Daten für das Unionsterritorium).

[1]