Destruction

Destruction
Destruction uf dem Metal Frenzy Festival 2017
Destruction uf dem Metal Frenzy Festival 2017
Destruction uf dem Metal Frenzy Festival 2017
Allgmeini Informatione
Genre Thrash Metal
Gründig 1982
Website http://www.destruction.de/
Gründungsmitglider
Marcel „Schmier“ Schirmer (bis 1989, sit 1999)
Michael „Mike“ Sifringer
Thomas „Tommy“ Sandmann (bis 1987)
Aktuelli Bsetzig
Gsang, Bass
 „Schmier“ (bis 1989, seit 1999)
Gitarre
 Damir Eskic (seit 2019)
Gitarre
 Michael „Mike“ Sifringer
Schlagzüg
 Randy Black (seit 2018)
Ehmaligi Mitglider
Gsang
 André Grieder (1989–1990)
Gsang
 Thomas Rosenmerkel (1993–1999)
Gitarre
 Harry Wilkens (1987–1990)
Gitarre
 Michael Piranio (1993–1999)
Bass
 Christian Engler (1989–1990)
Schlagzüg
 Oliver Kaiser (1987–1999)
Schlagzüg
 Sven Vormann (1999–2001)
Schlagzüg
 Marc Reign (2001–2010)


Destruction (engl.: Zerstöörig) isch di erschti dütschi Thrash-Metal-Band, un bestoht bis hüt. Si isch 1982 z Bade-Württeberg gründet worde un isch näbe Kreator un Sodom eini vo de erfolgriiechschte dütsche Bands us dere Stilrichtig.

Bandgschicht

[ändere | Quälltäxt bearbeite]

Nachdäm di Band 1982 unterm Namme Knight of Demon z Lörrach gründet worde isch, isch 1983 ihre erschts Demo Speed Kills, wo au Mad Butcher (Vorruggte Metzga), e spötere Albumtitel enthalte isch, erschiiene. Nachm zwoite Demo Bestial Invasion of Hell hänn SPV si unter Votrag gno un hänn 1984 d EP Sentence of Death un 1985 s erschte Album Infernal Overkill, wellem ä Tour mit Slayer gfolgt isch, voöffentlicht.

Im Joor druf isch Eternal Devastation erschiene un di Band isch zsämme mit Kreator un Rage uf Tour gange. Noch kreative Differänze het Sandmann d Band voloh un isch durch de Oliver Kaiser ersetzt worde. Uußerdem isch de Harry Wilkens als zwoite Gitarrist engagiert worde. Noch de Mad Butcher EP vo 1987 isch e Tour mit Motörhead gfolgt, un dere isch wiederum Release from Agony gfolgt.

1989 isch d Band nochere Tour mit Celtic Frost usenander broche: De Schmier het Headhunter gründet, wo au de Jörg Michael (Mekong Delta, Running Wild, Stratovarius) drummelt het, wehrend er bi Destruction vo André Grieder (ex-Poltergeischt) ersetzt worde isch, mit wellem dört Cracked Brain erschiine isch. Beidi sin keini wirklich erfolgriieche Projekt gsi in dere Ziit, wo spöter als Neo-Destruction bekannt worde isch.

Zääh Joor noch de Trennig isch d Wiedervoeinigung vo de Band zwüschem Schmier un em Sifringer zsämme mitm neue Schlagzüüger Sven Vormann glunge. Noch Uftritt uf wichtigä dütsche Feschtivals isch bi Nuclear Blast im Folgejoor All Hell Breaks Loose erschiiene.

Bim 2001er Album The Antichrist sin bi de erschte Uuflage Fehlprässige mit falscha Liedfolg entschtande, wo bi de Plattefirma umtuscht werde hätte chönne, wenn d Band uf ihrer Websiite nüd wägem hoche Sammlerwert devor gwarnt hätt.

Im Oktober 2001 isch de Sven bi Destruction usgstiige, wiil ihm de Tourplan z viil worde isch un er mehr Ziit für sini Familie bruucht het. Mitm neue Drummer Marc Reign (Orth un Gunjah) isch d Band aanschliessend mit Sodom un Kreator uf Tour gange. Mit Kreator sin Destruction sogar durch Südamerika tourt.

Nochdäm im Schmier gege 2003 wehrend de Tournee durch d USA si Inschtrumänt gschtohle worde isch, het er sich ä Splitterbruch an de rächte Hand zü zoge, was ihn zü ere Paus zwunge het un wodurch d Band d Tour durch Großbritannie absage het müesse. Züm Beginn vom Golfkrieg het meh uf de Bandwebsiite di The Exploited-Coverversion Fuck The USA koschtelos abelade chönne. Im Mai isch de Reign vom Flughafepersonal z Mailand festghalte worde, weil si Gürtel ä Usschlage vom Metalldetektor erzügt gha het.

Am 22. Auguscht 2005 isch s Album Inventor of Evil erschiiene, nochdäm d Band im Januar zü AFM Records gewäxselt gha het.

Diskografie

[ändere | Quälltäxt bearbeite]
  • 1983 - Speed Kills (Demo)
  • 1984 – Bestial Invasion of Hell (Demo)
  • 1984 – Sentence Of Death (EP)
  • 1985 - Infernal Overkill pre-production demo (Demo)
  • 1985 – Infernal Overkill
  • 1986 – Eternal Devastation
  • 1987 – Mad Butcher (EP)
  • 1987 – Release From Agony
  • 1989 - A Black Metal Night (EP)
  • 1989 – Live Without Sense (live)
  • 1990 – Cracked Brain
  • 1992 - Best of (Compilation)
  • 1994 - Destruction (EP)
  • 1995 - Them Not Me (EP)
  • 1998 - The Least Successful Human Cannonball
  • 1999 - The Butcher Strikes Back (Demo)
  • 2000 – All Hell Breaks Loose
  • 2001 - Live Promo (EP)
  • 2001 - Whiplash (Single)
  • 2001 – The Antichrist
  • 2002 - Alive Devastation (live)
  • 2003 - Metal Discharge (Demo)
  • 2003 – Metal Discharge
  • 2004 - Live Discharge (DVD)
  • 2005 - Inventor of Evil
  • 2007 - Thrash Anthems
  • 2008 - D.E.V.O.L.U.T.I.O.N
  • 2009 - The Curse of the Antichrist - Live in Agony
  • 2010 - Devolution A Savage Symphony - The History of Annihilation
  • 2011 - Day of Reckoning
  • 2012 - Spiritual Genocide
  • 2016 - Under Attack
  • 2017 - Thrash Anthems II
  • 2019 - Born to Perish
[ändere | Quälltäxt bearbeite]

Fuessnote

[ändere | Quälltäxt bearbeite]