Dunkle Jahrhunderte (Antike)

Dr Zitruum zwüschen em 12. und em 8. vorchristlige Joorhundert im antike Griecheland und Anatolie wird as die Dunkle Joorhundert bezäichnet.

S antike Griecheland

S Dunkle Zitalter vo Griecheland isch d Zit vo öbbe 1050 v. d. Z. aa, won e Hufe mykenischi Zentre zerstöört worde si (z. B. Pylos, Mykene, Thebe, Tiryns) und s mykenische Balastsüsteem zämmebroche isch, bis zum Ufschwung in dr orientalisierende Zit um 750 v. d. Z. Dr Name chunnt drvoo, ass mä us däm Zitruum käini schriftlige Kwelle und usser Keramik nume wenig archeologischi Fund kennt. Es gseet us, wie wenn Griecheland, won e schriftligi Kultur ghaa het, noch dr Zerstöörig vo de mykenische Zentre für e baar Joorhundert in d Schriftlosigkäit versunke isch. Wäärend dere Zit het sich aber die Kultur afo entwiggle, wo denn zur bekannte griechische Kultur vo dr archaische und klassische Zit worde isch.

Bis in s 20. Joorhundert het die Dunkle Periode im 12. Joorhundert aagfange und isch bis ins 8. Joorhundert gange. In de letschte Joorzäänt het me z Griecheland aber e ganzi Serii vo archeologische Entdeckige gmacht, wo wääsentlig mee Liecht in die Epoche brocht häi. Bsundrigs s 12. Joorhundert v. d. Z. und s früeje 8. Joorhundert v. d. Z. si jetz besser erforscht.

S antike Anatolie

In dr Gschicht vo Anatolie wärde d Joor vo öbbe 1200 bis 750 v. d. Z. as die Dunkle Joorhundert bezäichnet. Dr Begriff isch vom türkische Archeolog Ekrem Akurgal us dr griechische Gschichtsschriibig übernoo worde. Über d Entwicklige in dere Zit in Anatolie usserhalb vo Ostanatolie und vo de Küstesträife, wo Grieche gläbt häi, wäiss mä seer wenig. Au doo git s käini schriftlige Kwelle und kuum archeologischi Fünd.

In dere Zit isch s Groossriich vo de Hethiter zämmebroche, ooni dass mer die genaue Ursache wurde kenne. Mä wäiss ass die hethitische Herscher Brobleem ghaa häi, sich duurezsetze, ass es e Zit mit Chrieg und Hungersnööt gsi isch und ass s wichdige Handelszentrum Ugarit in Syrie erooberet worde isch, woorschinlig vo de sogenannte Seevölker. Au Züpere isch aagriffe worde und d Philister häi sich in Palestina niidergloo.

Gege d Middi vom 8. Joorhundert v. d. Z. isch e Phrygerriich entstande, wo groossi Däil vo Anatolie umfasst het und vo denn aa git s wider e Hufe archeologischi Fünde.

Litratuur

zu de griechische "Dunkle Joorhundert"

• P. Blome: Die Dunklen Jahrhunderte aufgehellt. In: Joachim Latacz (Hrsg.): Zweihundert Jahre Homerforschung. Colloquium Rauricum. Bd. 2. Teubner, Stuttgart 1991, ISBN 3-519-07412-5 (Aus Sicht der Homerforschung, aber sehr gute Zusammenfassung)
• J. Boardman: The Greeks overseas. Their early colonies and trade. 4. Aufl. Thames & Hudson, London 2000, ISBN 0-500-28109-2
• J. N. Coldstream: Geometric Greece. 2. Aufl. Routledge, London 2003, ISBN 0-415-29899-7.
• S. Deger-Jalkotzy (Hrsg.): Ancient Greece. From the Mycenaean palaces to the age of Homer. The Third A. G. Leventis Conference "From Wanax to Basileus" was organised at the University of Edinburgh, 22–25 January 2003, Edinburgh Leventis studies 3. Edinburgh University Press, Edinburgh 2008, ISBN 0-7486-1889-9.
• V. R. d’A. Desborough: The Greek Dark Ages. Benn, London 1972, ISBN 0-510-03261-3.
• O. T. P. K. Dickinson: The Aegean from Bronze age to Iron age. Continuity and change between the twelfth and eighth centuries BC. Routledge, London 2006, ISBN 0-415-13589-3.
• M. I. Finley: Die Welt des Odysseus. Campus, Frankfurt am Main 1992, ISBN 3-593-34720-2.
• J. Fündling: Die Welt Homers. Wissenschaftliche Buchgesellschaft, Darmstadt 2006, ISBN 978-3-534-19902-0.
• R. Hampe, E. Simon: Tausend Jahre frühgriechische Kunst (1600-600 v. Chr ). Hirmer, München 1980, ISBN 3-7774-3130-3.
• H.-J. Gehrke, P. Funke (Hrsg.): Geschichte der Antike. Ein Studienbuch. 2., erw. Aufl. Metzler, Stuttgart 2006. S. 35–106, ISBN 3-476-02074-6.
• J. M. Hall: A history of the archaic Greek world. Ca. 1200–479 BCE. Blackwell, Malden 2007, ISBN 0-631-22667-2.
• W.-D. Heilmeyer: Frühgriechische Kunst. Kunst und Siedlung im geometrischen Griechenland. Gbr. Mann, Berlin 1982, ISBN 3-7861-1366-1.
• S. H. Langdon (Hrsg.): From pasture to polis. Art in the age of Homer. Katalog der Ausstellung Colombia, Berkele und Cambridge 1993/1994. University of Missouri Press, Columbia 1993, ISBN 0-8262-0928-9.
• J. Latacz, Th. Greub, P. Blome, A. Wieczorek (Hrsg.): Homer. Der Mythos von Troia in Dichtung und Kunst. Katalog zur Ausstellung des Antikenmuseums Basel, des Art Centre Basel und der Reiss-Engelhorn-Museen Mannheim 2008. Hirmer, München 2008, ISBN 978-3-7774-3965-5.
• A. Mazarakis Ainian: From rulers’ dwellings to temples. Architecture, religion and society in early iron age Greece (1100–700 B. C.). Åström, Jonsered 1997, ISBN 91-7081-152-0.
• C. A. Morgan: Early Greek states beyond the polis. Routledge, London 2003, ISBN 0-415-08996-4.
• I. Morris (Hrsg.): The "Dark Ages" of Greece. University Press, Edinburgh 2004, 2007, ISBN 0-7486-1572-5.
• R. Osborne: Greece in the making, 1200–479 BC, Routledge history of the ancient world Routledge, London 1996, ISBN 0-415-03582-1.
• B. Patzek: Homer und seine Zeit. C. H. Beck, München 2003, ISBN 3-406-48002-0.
• M. R. Popham (Hrsg.): Lefkandi. Bde. 1–4, The British school at Athens. Supplementary volume11, 22, 23, 29, 39. Thames and Hudson, London 1980–2006.
• H. Siebenmorgen (Hrsg.): Zeit der Helden, die dunklen Jahrhunderte Griechenlands (1200–700 v. Chr.). Katalog zur Ausstellung des Badischen Landesmuseums Karlsruhe 2008. Primus, Darmstadt 2008, ISBN 978-3-937345-31-4.
• A. M. Snodgrass: The Dark Age of Greece. An archaeological survey of the eleventh to the eighth centuries BC. Edinburgh University Press, Edinburgh 2000, ISBN 0-7486-1403-6.
• C. G. Thomas, C. Conant: Citadel to city-state. The transformation of Greece, 1200–700 B. C. E. Indiana University Press, Bloomington 1999, ISBN 0-253-33496-9.
• K.-W. Welwei: Die griechische Frühzeit. 2000 bis 500 v. Chr. C. H. Beck, München 2002, ISBN 3-406-47985-5.
• K.-W. Welwei: Die griechische Polis. W. Kohlhammer, Stuttgart 1983, F. Steiner, Stuttgart 1998 (2. Aufl.), ISBN 3-515-07174-1, S. 28 ff., 281 ff.
• J. Whitley: Style and society in Dark Age Greece. The changing face of a pre-literate society 1100–700 BC. Cambridge University Press, Cambridge 1991, ISBN 0-521-37383-2.