Eich LU

Eich
	Wappe vo Eich
Basisdate
Staat:	Schwiiz
Kanton:	Lozärn (LU)
Wahlchreis:	Sorsi
BFS-Nr.:	1084
Poschtleitzahl:	6205
Koordinate:	655300 / 222463Koordinate: 47° 9′ 3″ N, 8° 10′ 4″ O; CH1903: 655300 / 222463
Höchi:	516 m ü. M.
Flächi:	5,89 km²
Iiwohner:	1623 (31. Dezämber 2022)
Website:	www.eich.ch
Charte
	Charte vo Eich

Eich esch en politischi Gmeind im Wahlkreis Sorsi vom Kanton Lozärn i de Schwiz.

Geografii

Eich lit am Oschtufer vom Sämpachersee zwösche Sorsi ond Sämpech. Sit em Bou vom der Outobahntunnu "Eich" eschs Dorf teilt i Underdorf am See ond s Oberdorf bi dr Chöuche. Eich het fougendi Wiler: Oberhundgäue, Brand, Buechmatt, Voremwaud, ond Vogusang, wo ou grad es eigets Quartier am Hang obe esch. Vo dr Gmeindsflechi send 67,9 % Landwirtschaftlechi Flechi, 19,5 % Waud ond 12,6 % Sidligsflechi.^[2]

Nachbärgmeinde

Eich gränzt a Gunzbu, Nüderef, Sämpech ond Schänke.

Bevölkerig

Quälle: Bundesamt für Statistik 2005^[3] Ändi 2005 het Eich 1'495 Iwohner gha. Sit 1970 het sech d Bevölkerig fascht verdrüfacht. D Grönd ligged im Bou vo de Outobahn A2 ond dä schöne ländläche Lag.

Jahr	1850	1860	1870	1880	1888	1900	1910	1920
Iiwohner	551	522	535	522	469	434	473	472
Jahr	1930	1941	1950	1960	1970	1980	1990	2000
Iiwohner	507	521	521	457	521	754	972	1256

Dr Uusländeraateil esch 2014 bi 6 % gläge.^[2]

Religion

75,2 % vo dr Iiwooner send im Jahr 2000 römisch-katholisch gsii, 15,2 % evangelisch-reformiert.^[2]

Vercher

D Gmeind esch döre Aschloss ad Poschtoutolinie Sorsi-Schänke-Eich-Sämpech Station as Netz vom öffentläche Vercher agschlosse.

S Dorf Eich lit a dr Houptstross Sorsi-Sämpech. Der nöchscht glägenig Outobahnaschloss ad A2 esch 3 km entfärnt ds Sämpech.

Gschecht

D Gegend am Sämpachersee esch scho sit Jahrtusende besidlet gsi. Es git Fund os römischer ond alemännischer Zit. Dr Ort werd z'erscht mou underem Name Heiche ime Schutzbrief vom dütsche König Heinrich III. 1045 erwähnt aus Bsitz vom Chorherrestift Möischter. Onder de Herrschaft vo de Habsburger esch Eich nominell vo Sämpech verwautet worde. Eich esch 1415 onder ds Herrschaft vor Stadt Lozärn cho und Teil vom Michelsamt worde.

Politik

Bi dr Nationauraatswahle 2015 hät s das Ergebnis gää:^[2] BDP 1,6% , CVP 24,6% , FDP 23,0% , GLP 4,4% , GP 4,3% , SP 5,5% , SVP 32,3% , Süschtigi 4,1%.

Dr Gmeindspräsident vo Eich esch dr Reto Zbinden (Stand Februar 2016).

Wirtschaft

D Arbetslosigkeit esch im Jahr 2011 bi 1,1 % gläge.^[2]

Sprach ond Dialäkt

Bi dr Volkszellig 2000 hend vo dr 1256 Iiwohner 97,7 % Dütsch aus Houptsprach aagää, 0,5 % Französisch, 0,2 % Italienisch ond 1,6 % anderi Sprache.^[2]

Dr hochalemannisch Dialäkt vo Eich ghört zue dr Übergangsmundarte zwösche dr Weschtschwiizer ond dr Oschtschwiizer Dialäkt.

Bouwärch

Chile St. Laurentius (1807/08)

Literatur

Adolf Reinle: Die Kunstdenkmäler des Kantons Luzern, Band IV: Das Amt Sursee. (= Kunstdenkmäler der Schweiz. Band 35). Hrsg. von der Gesellschaft für Schweizerische Kunstgeschichte GSK. Bern 1956, ISBN 978-3-906131-23-8.

Weblink

Commons: Eich – Sammlig vo Multimediadateie

Offiziöui Website vo de Gmeind Eich
Waltraud Hörsch: Eich. In: Historisches Lexikon vo dr Schwiiz.

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
↑ ^2,0 ^2,1 ^2,2 ^2,3 ^2,4 ^2,5 Bundesamt für Statistik: Regionalporträts 2012: Kennzahlen aller Gemeinden (Memento vom 24. Septämber 2020 im Internet Archive), Mai 2012
↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Memento vom 13. Februar 2020 im Internet Archive), Date im Aahang (Memento vom 13. Februar 2020 im Internet Archive))

Dä Artikel basiert uff ere fräie Übersetzig vum Artikel „Eich_LU“ vu de dütsche Wikipedia. E Liste vu de Autore un Versione isch do z finde.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[BfS_2012-2] 2,0 ^2,1 ^2,2 ^2,3 ^2,4 ^2,5 Bundesamt für Statistik: Regionalporträts 2012: Kennzahlen aller Gemeinden (Memento vom 24. Septämber 2020 im Internet Archive), Mai 2012

[3] Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Memento vom 13. Februar 2020 im Internet Archive), Date im Aahang (Memento vom 13. Februar 2020 im Internet Archive))

[1]

[2]

[3]