Esch-Uelzecht dt. Esch an der Alzette, frz. Esch-sur-Alzette | |
Wappe | Charte |
---|---|
Basisdate | |
Land | Luxeburg |
Koordinate: | 49° 30′ N, 5° 59′ O |
Distrikt | Lëtzebuerg |
Kanton | Esch-Uelzecht |
Yywohner | 30630 (1. Jänner 2011) |
Bevelkerigsdichti | 2127,1 Ywohner/km² |
Hechi | 287m ü. NN |
Sproch(e) | Lëtzebuergesch |
Zytzone | UTC+1 |
Burgermaischter | Lydia Mutsch (LSAP) |
Internetsite | www.esch.lu |
Esch-Uelzecht (dt. Esch an der Alzette, frz. Esch-sur-Alzette) isch aini vu dr 105 Gmaine z Luxeburg. Si isch no dr Hauptstadt di zwootgrescht Stadt vum Land un het wie di drittgrescht Stadt Déifferdeng e Uusländeraadail vu iber 50 %. Bekannt isch d Stadt vor allem fir ihri Stahlinduschtri.
Zue Esch-Uelzecht ghere d Quartier Al Esch, Belval, Brill, Brouch, Dellhéicht, Fettmeth, Grenz, Hiel, Lalleng, Lankhelz, Neiduerf, Park, Raemerech, Schlassgoart, Sommet, Universitéit, Uecht, Wobrécken un Zaepert
Esch-Uelzecht ghert zum Kanton Esch-Uelzecht im Distrikt Lëtzebuerg. Dr Burgermaischter vu Esch-Uelzecht isch syter anne 2000 d Lydia Mutsch (LSAP). Scheffe sin dr Félix Braz (Déi Gréng) un dr Henri Hinterscheid (LSAP). Gwehlt wird iber e Proporzwahl.
|
|
Johr | 1821 | 1851 | 1871 | 1880 | 1890 | 1900 | 1910 | 1922 | 1930 |
Yywohner | 810 | 1489 | 3946 | 5082 | 6855 | 10971 | 16461 | 20437 | 29429 |
Johr | 1935 | 1947 | 1960 | 1970 | 1981 | 1991 | 2001 | 2002 | 2003 |
Yywohner | 27517 | 26851 | 27954 | 27574 | 25144 | 24018 | 27146 | 27244 | 27630 |
Johr | 2004 | 2005 | 2006 | 2007 | 2008 | 2009 | 2010 | 2011 | |
Yywohner | 28066 | 28274 | 28646 | 29063 | 29515 | 29853 | 30147 | 30630 |
Esch-Uelzecht isch zum erschte Mol gnännt wore anne anne 1145 as Asch (1182: Asch, 1182: Asch).
Mit dr Entdeckig vu Yyseerzvorchuu het mit dr Yyse- un Stahlinduschtri in dr zwoote Helfti vum 19. Johrhundert in dr Region e induschtriälle Ufschwung aagfange. Zerscht in Bärgwärch, speter im Dagböu, isch d Minette abböue un in dr Yysehitte verschafft wore. Mit dr neie Arbetsblätz isch d Yywohnerzahl schnäll aagstiige. Aafangs sin s vor allem Arbaiter vu Luxeburg gsii, mer het aber schnäll au mieße Lyt us em Uusland aawärbe. Zerscht sin si us dr Nochberländer chuu, speter vor allem vu Portugal un Italie. No dr Stahlkrise in dr 1970er Johr isch d Produktion zruckgfahre un vil Arbaiter sin entlosse wore.
Dr luxeburgisch Dialäkt vu Esch-Uelzecht ghert zum Moselfränkisch.
|
|