Fāʾ ( فاء ) isch de zwangischt Buechstabe vom arabische Alphabet und het de Zaalewert 80. Entstande isch er usem phönizische Pe und drum verwandt mitem latinische P, em griechische Pi und em hebräische Pe.
S Fa bizaichnet de stimmlosi labiali Frikativ (IPA: /f/) und entsprecht em alemannische "f" ("v") im Wort Vogel. I de DMG-Umschrift werd er mit "f" transkribiert.
S Fa isch e Moobuechstabe, da haisst de Artikel al- werd nöd assimiliert: al-fiḍḍa »s Silber«.
S tütschi "w" werd i de Regli im Arabische mit em Fa widerge. I Lexike, Atlante und andere Werch, wo Wert uf e korrekti Wiidergoob glait werd, setzt me drum drai Pünkt öber de Buechstabe, statt nu ann, um de Approximant /ʋ/ z widergee.
Unicode Codepoint | U+0641 |
---|---|
Unicode-Name | ARABIC LETTER FEH |
HTML | ف |
ISO 8859-6 | 0xe1 |