Fair Isle

Das sin Klippe vo Fair Isle

Fair Isle isch e chlini schottischi Insle. Sie ghört administrativ zu de Shetlandinsle obwohl si es bizli nöcher an de Orkney ligt. Si isch öpe 90 km südlich vo Lerwick (Shetland), vo dr Südküste bi Sumburgh sind's nur 25 km, und 95 km nordwestlich vo Kirkwall (Orkney) entfärnt. Es git drei Fährverbindige und vier Flugverbindige pro Wuche. Die sin aber stark wätterabhängig.

D'Insle isch öpe 9 km lang und 4 km breit und het e Flechi vo öpe 9 km². Im Norde isch si maximal 217 m hoch.

Fair Isle isch rundum vo steile Klippe umgäh, abgseh vo zwei Anlegestelle für'd Fähri. Am Nord- und am Südändi het's je e Lüchtdurm, wo dr Charles Alexander Stevenson baut worre isch.

Bewohnt isch d'Insle mindischtens sit dr Bronzeziit. Es git Spure vo vorchrischtliche Baute.
Berüemt isch s'Inseli au für sis Vogel-Observatorium. Me cha dört z. B. sibirischi Spatze, Stelze oder verschidnigi Schwirle beobachte.

D'Insle ghört sit 1954 zu dr National Trust for Scotland.

Hützutags wohne 69 Lüt dört und läbe vo dr Fischerei, dr Landwirtschaft und vo sälber gschtrickte Pulis.

[ändere | Quälltäxt bearbeite]

Koordinate: 59° 32′ N, 1° 38′ W