Feuerlilie

Bergilge
Bergilge
Systematik
Monokotyledone Ordnig: Ilgenartigi (Liliales) Familie: Ilgegwächs (Liliaceae) Underfamilie: Lilioideae Gattig: Ilge (Lilium) Art: Bergilge
Wüsseschaftlige Name
Lilium bulbiferum
L.

D Bergilge (Lilium bulbiferum; alemannischi Näme) isch e hööchi uuffäligi Alpeblueme mit zündroote Blüete. Si ghört zo de gfördete Blueme und isch drum au gschützt.

Vorchoo

D Bergilge chuntt i bergige i de Alpe, i bergige Regione z Italie und uf Korsika bis zonere Hööchi vo 2300 müM. vor. Si mag sunigi und trochni Bort, wachst aber au am Waldrand und uf Bluemewiise.

Uussie

D Bergilge mach hööchi Stengel , wo bis zo 90 Santimeeter lang weered, mit vile dünne Blätter, wo öppe 10 Santimeeter lang sind. De Stengel verzwiigt sich obe und bildet meriri groossi Blüete, wo zündroot sind, im inere aber dunkli Tupfe hend. Im Gegesatz zo anderne Ilge schmögget d Blüete vo de Bergilge gär nöd. D Bergilge blüet im Mai und im Juni.

Aberglobe und Brüüch

Wege de füürige Farb isch isch globt wore, as si de Blitz azüchi. Drom isch si mengisch is Johannifüür gworffe wore, wel me gmaint het, s gebi den kai schlimms Wetter mee.

D Bergilge isch au e bliebti Garteblueme.

Büecher

• Elfrune Wendelberger: Alpenblumen; blv, Münche 2009. ISBN 978-3-8354-0558-5.