E formals Süsteem isch e Süsteem vo Sümbolchettene und Reegle. D Reegle si Vorschrifte für wie mä äi Sümbolchetti in en anderi umwandlet, also Brodukzione von ere formale Grammatik. D Reegle chönne drbii räin süntaktisch aagwändet wärde, das häisst, ooni dass mä d Bedütig vo de Sümbol kennt. Formali Süsteem wärde in verschiidene wüsseschaftlige Diszipline wie dr Logik, dr Mathematik, dr Informatik und dr Linguistik verwändet, bsundrigs zum us bekanntem Wüsse nöiji Ussaage abzläite.
Kalkül wird vilmol in dr gliiche Bedütig wie formals Süsteem verwändet; mänggisch verstoot mä aber under eme Kalkül e formals Süsteem mit bestimmte Iischränkige.