Francis Aidan Gasquet

Dialäkt: Mìlhüüserdiitsch
La Salma di S. E. II Cardinale Gasquet, Fotogràfii vum Giuseppe Felici ànna 1929
Uffbààhrung vum gschtoorwana Kàrdinàl Gasquet ànna 1929

Dr Francis Neil Aidan Gasquet /ˈfɹɑːnsɪs niːl ˈeɪdən gæsˈkeɪ/ (* 5. Oktoower 1846 z’ London àls Francis Neil Gasquet; † 5. Àwrìl 1929 z’ Rom) ìsch a anglischer benediktinischer Mänch, Hischtooriker un Kàrdinàl vu dr reemisch-kàthoolischa Kìrìch gsìì.

sii Laawa

[ändere | Quälltäxt bearbeite]

Dr Gasquet ìsch s’ drìtta vu da säcks Kìnder vum Àrzt Raymond Gasquet gsìì. Sii Groossvàtter vàttersitts ìsch a frànzeescher Màrinaoffiziar gsìì, wo-n-ìm Làuif vu dr Belààgerung vu Toulon ànna 1793 ìn Anglànd üssgwàndert ìsch. Siina Müatter hàt vum Yorkshire gschtàmmt. Uff d’ Walt kumma-n-ìsch dr Francis Neil Gasquet àm 5. Oktoower 1846 àm Euston Place 26 ìm Viartel Somers Town z’ London.[1]

Ar ìsch ìn d’ kàthoolischa Downside-Schüal gànga, wo vu dr Àbtai Downside àbhangig gsìì-n-ìsch. Ànna 1865 hàt’r sìch àn da Benediktiiner ìm Prior vu Belmont ìm Herefordshire ààgschlossa. Ar ìsch d’rnooh ìn d’ Àbtai Downside gànga, wu-n-’r d’ Gelübda-n-ààglajt hàt; àls Oordanàmma hàt’r „Aidan“ (làtiinisch Aidanus) gwählt. Ar ìsch d’rnooh Seminàrìscht àm Pàpschtliga Anglischa Kolleeg z’ Rom gsìì un ìsch àm 19. Dezamber 1871 z’ Downside àls Priaschter gwäijt worra. Doo druff hàt’r sìewa Joohra làng àls Lehrer gschàfft. Vu 1878 bis 1885 ìsch’r Prior vu dr Àbtai Downside gsìì. Vu 1892 bis 1900 ìsch’r Forscher àm Britischa Müsee z’ London gsìì. Ànna 1896 ìsch’r Mìtglìed ìn dr pàpschtliga Kùmmissioon worra, wo d’ Gìltigkait vu da ànglikànischa Wäihsàkràmanta-n-ìwwerpriaft hàt. Därt hàt’r àls Hischtooriker a waasentliga Rolla gschpìelt. Üss dara Kùmmission ìsch ìm Leo XIII. siina pàpschtliga Bülla Apostolicae curae äntschtànda, wo d’ ànglikànischa Wäiha-n-àls ungìltig ärkläärt hàt. Ànna 1900 ìsch dr Gasquet Àbtpresidànt vu dr Anglischa Benediktiinerkongregàzioon worra. Ìm Joohr 1907 ìsch’r Vorsìtzender vu dr Pàpschtliga Kùmissioon fìrs Ìwwerschàffa vu dr Vulgata gsìì.

Ànna 1914 hàt’ne dr Pàpscht Pius X. àls Kàrdinàldiàkon vu San Giorgio in Velabro kréiart. Dr Gasquet ìsch Mìtglìed ìn mehrera Kongregàzioona vu dr reemischa Küria worra. Ar ìsch dr ainziga-n-anglischa Küriakàrdinààl vu siinera Zitt gsìì.[2] Wahrem Äärschta Waltkriag hàt’r diplomààtischa Missioona biim Hailiga Schtüahl fìr d’ Entente-Machta-n-ìwwernumma. Ànna 1915 hàt’r d’ Tìteldàkonii gwackselt un dr Tìtel vu Santa Maria in Portico ìwwernumma. Ànna 1917 ìsch’r àls Prefäkt vu dr Pàpschtliga Ghaimàrkiiv ärnännt worra. Ar ìsch ànna 1919 Kàrdinààlbibliotheeker worra, un Ukrundaversorger vu dr Hailiga Reemischa Kìrìch ànna 1920. Ànna 1924 ìsch’r üssnàhmswiis (pro hac vice) vum Pàpscht Pius XI. zem Kàrdinàlpriaschter vu siinera Tìteldàkonii Santa Maria in Portico ärhoowa worra.

Dr Francis Aidan Kàrdinàl Gasquet ìsch àm 5. Àwrìl 1929 ìn’ra Prìwààtwoohnung ìm Palazzo di San Callisto z’ Rom gschtoorwa. Ar ìsch ìn dr Àbtaikìrìch vu dr Downside Abbey beardigt worra.

siina Veräffentligunga (Üsswàhl)

[ändere | Quälltäxt bearbeite]
Biacher
  • A little book of prayers from Old English sources, Catholic Truth Society 1900 (uff dr anglischa Wikisource)
  • The Old English Bible and Other Essays, John C. Nimmo 1897 (Online laasa)
  • Henry VIII and the English Monasteries, John Hodges 1888 (Online laasa)
  • zamma mìt’m Edmund Bishop: Edward VI and the Book of Common Prayer, John Hodges 1890 (Online laasa)
  • The Eve of the Reformation, G. Bell & Sons 1923 [1. Ufflààg ànna 1900] (Online laasa)
  • Parish Life in Mediæval England, Methuen & Co. 1922 [1. Ufflààg ànna 1905] (Online laasa)
  • The Greater Abbeys of England, Chatto & Windus 1908.[3] Bebìldert vum Warwick Goble (Online laasa)
  • The Last Abbot of Glastonbury and Other Essays, George Bell & Sons 1908 (Online laasa)
  • The Black Death of 1348 and 1349, George Bell & Sons 1908 (Online laasa)
  • A History of the Venerable English College, Rome, Longmans, Green & Co. 1920 (Online laasa)
  • Monastic Life in the Middle Ages, G. Bell & Sons 1922 (Online laasa)
  • His Holiness Pope Pius XI, Daniel O'Connor 1922 (Online laasa)
  • The Religious Life of King Henry VI, G. Bell & Sons 1923 (Online laasa)
Àrtìckel
  • Roger Bacon and the Latin Vulgate. In: A.G. Little (Üss.), Roger Bacon Essays. Oxford: At the Clarendon Press 1914 (Online laasa)
sunschtigs
  • William M. Cunningham, The Unfolding of the Little Flower, mìt’m Vorwort vum Kàrdinàl Gasquet. London: Kingscote Press, 1916 (Online laasa)
  • Father Stanislaus, Life of the Viscountess De Bonnault D'Houet, mìt’ra Iifiahrungswort vum Kàrdinàl Gasquet. London: Longmans, Green & Co. 1916 (Online laasa)

Lìteràtüür

[ändere | Quälltäxt bearbeite]
  • Francis Gasquet. In: Brockhaus Enzyklopädie. (brockhaus.de [abgerufen am 4. September 2022]).
  • Gloria Lotha: Francis Aidan Gasquet. In: Encyclopædia Britannica. Encyclopædia Britannica, Inc., 2012 (britisches Englisch, britannica.com [abgerufen am 4. September 2022]).
  • Dom Aidan Bellenger: Gasquet, Francis Neil [name in religion Aidan]. In: Oxford Dictionary of National Biography. Oxford University Press, 23. September 2004, doi:10.1093/ref:odnb/33350 (britisches Englisch).
  • Gasquet, Francis Aidan. In: E. A. Livingstone (Hrsg.): The Concise Oxford Dictionary of the Christian Church. 2. Auflage. Oxford University Press, 2006, ISBN 978-0-19-861442-5 (britisches Englisch, oxfordreference.com [abgerufen am 4. September 2022]).
  • Gasquet, Right Rev. Francis Aidan. In: Who’s Who. Band 59, 1907, S. 662–663 (englisch).
  • Robert Hugh Benson: Cardinal Gasquet. In: The Dublin Review. Band CLV, 1914, S. 125–130 (britisches Englisch, archive.org [abgerufen am 3. September 2022]).
  • R. Escourt: The Work of Cardinal Gasquet in the Field of Pre-Reformation History. In: The American Catholic Quarterly Review. Band XLVI, Nr. 183, 1921, S. 353–371 (amerikanisches Englisch, archive.org [abgerufen am 4. September 2022]).
  • A. M. Grange: Dom Gasquet as a Historian. In: The American Catholic Quarterly Review. Band XIX, Nr. 75, 1894, S. 449–464 (amerikanisches Englisch, hathitrust.org [abgerufen am 3. September 2022]).
  • Peter Guilday: Francis Aidan Cardinal Gasquet. In: The Catholic World. Band CXV, 1922, S. 210–216 (amerikanisches Englisch, hathitrust.org [abgerufen am 3. September 2022]).
  • Shane Leslie: Cardinal Gasquet, A Memoir. Burns, Oates, London 1953 (britisches Englisch).
  • David Knowles: Cardinal Gasquet as an Historian. Üniwärsiteet vu London, Athlone Press, London 1957 (britisches Englisch).
  • E. F. Jacob, Lewis Bernstein Namier, Theodore Frank Thomas Plucknett, Hugh Hale Bellot, W. K. Hancock, David Knowles, John Goronwy Edwards: The Creighton Lectures, 1951–57. Üniwärsiteet vu London, Athlone Press, London 1952 (britisches Englisch).

Weblìnks

[ändere | Quälltäxt bearbeite]
 Commons: Francis Aidan Gasquet – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ Sir Howard Roberts, Walter H Godfrey (Hrsg.): Survey of London: King's Cross Neighbourhood - The Parish of St. Pancras Part IV. London County Council, 1952, S. 90 (britisches Englisch, archive.org [PDF; abgerufen am 3. September 2022]).
  2. ↑ Kardinal Gasquet gestorben. In: Vossische Zeitung. 6. April 1929, S. 1.
  3. ↑ Review: The Greater Abbeys of England by Abbot Gasquet. In: The Athenaeum. Nr. 4208, 20. Juni 1908, S. 767–768 (britisches Englisch).
Dä Artikel basiert uff ere fräie Übersetzig vu dere Version vum Artikel „Francis_Aidan_Gasquet“ vu de änglische Wikipedia. E Liste vu de Autore un Versione isch do z finde.
Dä Artikel basiert uff ere fräie Übersetzig vu dere Version vum Artikel „Francis_Aidan_Gasquet“ vu de hochdütsche Wikipedia. E Liste vu de Autore un Versione isch do z finde.