Fredy Studer

dr Fredy Studer, Moers Festival 2012

Dr Fredy Studer (* 16. Juni 1948 z Lozärn; † 22. Augschte 2022[1]) isch e Schwyzer Schlagzyger im Jazz un in dr Neie Musik gsii.

Lääbe un Wirke

[ändere | Quälltäxt bearbeite]

Anne 1972 isch er Grindigsmitglid vum Lozärner Rockjazz-Quartett OM gsii. In däre Gruppe isch er mit sym Schuelkamrad, em Gitarrischt Christy Doran, em Saxofonischt Urs Leimgruber un em Kontrabassischt Bobby Burri fascht ai Jorzehnt lang mit «Electricjazz-Freemusic» erfolgrych in dr Schwyz un z Dytsch uf Tour gsii.

Dernäbe het er Schlagzyg gspiilt im «Franco Ambrosetti-George Gruntz-Quintett» (mit em Joe Henderson, em Miroslav Vitouš oder mit em Larry Schneider un em Dave Holland) un au bi dr «Percussion Profiles» (Jack DeJohnette, Pierre Favre, Dom Um Romão, David Friedman, George Gruntz). In dr 1980er Johr het er im Trio mit em Rainer Brüninghaus un em Markus Stockhausen un mit em Stephan Wittwer un em Christy Doran in «Red Twist & Tuned Arrow» gspiilt, aber au in dr Gruppe «Singing Drums» vum Favre (mit Paul Motian] Naná Vasconcelos) un in dr «Charlie Mariano-Jasper van’t Hof Group».

In dr letschte Jorzehnt het dr Studer in dr unterschidligschte Gruppe un Projäkt mitgmacht. Är het Kunzärt un Workshop gee, het Radio- un Färnsehufnahme gmacht, Musik zue Danzuffierige un au Theater- un Filmmusik in ganz Europa, Afrika, Japan, Sidamerika, dr Karibik, z Taiwan, Indie, dr ehmolige Sowjetunion, z Kanada un in dr USA.

Gruppe un Projäkt sin unter anderem s «Hardcore Chambermusic-Trio» mit em Hans Koch un em Martin Schütz (syt 1990, au uusgwytet as «Roots and Wires») gsii, e Jimi-Hendrix-Projäkt (zletscht mit Christy Doran, Erika Stucky un Kim Clarke bzw. Jamaaladeen Tacuma) un au d Perkussions-Trio (mit em Robyn Schulkowsky un em Joey Baron uf aire Syte bzw. em Hamid Drake un em Michael Zerang uf dr andre Syte). Derzue het er Duo mit em Schulkowsky gmacht, aber auch mit Jin Hi Kim, Joëlle Léandre, Dorothea Schürch, Ami Yoshida un Beth Coleman, wu mer as «DJ M.Singe» us dr New Yorker Illbient-Avantgardszene chännt.

Dr Studer het zytwys au im Perkussion-Ensemble vum Robyn Schulkowsky as Interpret vu Kumpesizione vum Charles Ives, em Steve Reich, em John Cage un em Edgard Varèse gspiilt.

ÄR isch ain vu dr erschte Schlagzyger gsii, wu Elemänt vu dr uffige Improvisazion un Rock-Groove in sym Stil verbunde het´. Är het bi iber achtzg Dondreger mitgmacht.

Anne 1991 het dr Studer dr Anerkännungsprys vum Chunscht- un Kulturprys vu dr Stadt Lozärn iberchuu. 2003 isch er mit em Chunscht- un Kulturprys vu dr Stadt Lozärn uuszaichnet wore.

Dr Fredy Studer isch im Augschte 2022 zmols an dr Folg vun ere schwäre Chranket gstorbe.[1]

Uusgläseni Diskografy

[ändere | Quälltäxt bearbeite]
  • Doran-Stucky-Studer-Clarke: Jimi (2004)
  • Koch-Schütz-Studer: Life Tied (2003)
  • Studer, Doran, Ray Anderson: Suisse Couture (1994)
  • Studer: Essentials mit Brüninghaus, Doran, Rosko Gee, Trilok Gurtu, Charlie Mariano, Dom Um Romao, Tamia, Nana Vasconcelos, Miroslav Vitous, Stephan Wittwer, Helmut Zerlett] 1982–1988
  • Studer/Doran: Half A Lifetime (1977–1994, mit Manfred Schoof, Sonny Sharrock, Jean-François Jenny-Clark u. v. a.)
  • Om: A Retrospective (1975/76)
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ 1,0 1,1 Le batteur lucernois Fredy Studer est décédé subitement. In: swissinfo.ch. 22. August 2022, abgruefen am 22. August 2022 (französisch).
Dä Artikel basiert uff ere fräie Übersetzig vu dere Version vum Artikel „Fredy_Studer“ vu de dütsche Wikipedia. E Liste vu de Autore un Versione isch do z finde.