George C. Pendleton

Dr George Cassety Pendleton (* 23. Àwrìl 1845 bii Viola, Warren County, Tennessee; † 19. Janner 1913 z’ Temple, Texàs) ìsch a US-àmerikànischer Politiker gsìì. Vu 1893 bis 1897 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

sii Laawa un Kàrriar

Dr George Cassety Pendleton ìsch ànna 1845 z’ Viola ìm Bundesschtààt Tennessee uff d’ Walt kumma. Ar ìsch dr Suhn gsìì vum Ned E. Pendleton un vu dr Sarah Pendleton geboorana Smart. Ar ìsch ìn siinera Haimet ìn d’ äffentliga Schüala un d’rnooh ìns Hannah High School gànga. Ànna 1857 hàt’r mìt siina Äältra-n-uff Belton ìm Texàs gwàndelt. Doo hàt’r ìm Hàndel un ìn dr Làndwìrtschàft gschàfft. Wahrem Bìrgerkriag hàt’r ìm Heer vu dr Konfederàzioon diant. Noh-n-em Kriag hàt’r àn dr Waxahachie Academy ìm Ellis County siina Üssbìldung furtgsätzt; ar ìsch àwwer krànk worra un hàt d’ Schtüdia müassa unterbracha. Gliichzittig hàt’r siina politischa Kàrriar ààgfànga, àls Mìtglììd vu dr Demokrààtischa Pàrtäi. Zwìscha 1876 un 1910 ìsch’r Delegiart’r uff àlla regionààla demokrààtischa Pàrtäitaaga ìm Texàs gsìì. Vu 1882 bis 1888 ìsch dr Pendleton Àbgoordnet’r ìm Represantàntahüüs vum Texàs gsìì, un ìsch ìm Joohr 1886 Presidant vu dam Hüüs gsìì. Ìn da Joohra 1890 bis 1892 ìsch’r Vìzagouveneur vum Texàs gsìì. Ìm Jüüli 1896 hàt’r àls Delegiart’r àn dr Demokrààtischa Nàzionààla Versàmmlung z’ Chicago tailgnumma. Doo ìsch dr William Jennigs Bryan zem äärschta Mol àls Presidantschàftskàndidààt nominiart worra.

Àn da Kongrasswàhla vum Joohr 1892 ìsch dr Pendleton ìm sììbta Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C. ìsch’r àb’m 4. März 1892 àls Noohfolger vum William H. Crain gsìì. Ar ìsch amol wììdergwählt worra un ìsch àlso bis àm 3. März 1892 ìm Kongrass blììwa. Ànna 1896 hàt’r sìch nìt fìr a Wììderwàhl uffgschtällt. Noh-n-em And vu siinera Àmtszitt ìm US-Represantàntahüüs hàt dr Pendleton ìm Bànksektoor gschàfft. Üsserdam hàt’r Racht gschtudiart un ìsch ànna 1900 àls Rachtsànwàlt züagloo worra. Àls Ànwàlt hàt’r z’äärscht z’ Temple gschàfft. Ìn dara Schtàdt ìsch’r àm 19. Janner 1913 àn’ma Hìrnschlààgààfàll gschtoorwa.

Dr George Pendleton hàt ànna 1870 d’ Helen Embree üss Belton (Texàs) ghiiroota ghàà. S’ Pààr hàt fìmf Kìnder ghàà.

D’ Ortschàft Pendleton ìm Bell County (Texàs) ìsch noh-n-ìhm gnännt.^[1]

Lìteràtüür

Brian Hart: Pendleton, George Cassety. In: Handbook of Texas. Texas State Historical Association (amerikanisches Englisch, tshaonline.org [abgerufen am 12. Februar 2023]).

Weblìnks

Commons: George C. Pendleton – Sammlig vo Multimediadateie

George C. Pendleton im Biographical Directory of the United States Congress
dr George C. Pendleton bii dr Legislative Reference Library vum Texàs (anglisch)
George C. Pendleton in dr Datebank vu Find a Grave

Ainzelnoohwiisa

↑ Pendleton (Bell). In: Edward Callary, Jean K. Callary (Hrsg.): Texas Place Name. University of Texas Press, 2020, ISBN 1-4773-2066-0 (amerikanisches Englisch, google.de [abgerufen am 12. Februar 2023]).

22. bis 36. Bezirk

Dä Artikel basiert uff ere fräie Übersetzig vu dere Version vum Artikel „George_C._Pendleton“ vu de hochdütsche Wikipedia. E Liste vu de Autore un Versione isch do z finde.

[1] Pendleton (Bell). In: Edward Callary, Jean K. Callary (Hrsg.): Texas Place Name. University of Texas Press, 2020, ISBN 1-4773-2066-0 (amerikanisches Englisch, google.de [abgerufen am 12. Februar 2023]).

[1]