Gewöhnliche Simsenlilie

Gwehnligi Simselilie
Gwehnlig Simselilie (Tofieldia calyculata)
Systematik
Chlass: Decktsomer (Magnoliopsida) Monokotyledone Ordnig: Froschleffelartigi (Alismatales) Familie: Simseliliegwägs (Tofieldiaceae) Gattig: Simselilie (Tofieldia) Art: Gwehnligi Simselilie
Wüsseschaftlige Name
Tofieldia calyculata
(L.) Wahlenb.

D Gwehnlig Simselilie (Tofieldia calyculata) isch e Bflanzeart us dr Familie vu dr Tofieldiaceae. Si wird au Chelch-Simselilie oder Hille-Simselilie gnännt. Dr botanisch Name calyculata laitet si vu calyx = Chelch ab.

Dr dytsch Name bezieht sich uf d Ähnligkeit mit Verdrätter vu dr Gattig Simse (Scirpus).

Merkmol

D mehjehrige chrutig Bflanze chunnt uf e Wugshechi zwische 10 un 30 cm. Di flache, sattgriene Grundbletter sin rosettig-rytig aagordnet. D Laubbletter wäre fimf bis 10 Zäntimeter lang un vier bis acht Millimeter brait.

Dr zmaischt walzlig Blietestand wird zwische drei un 10 Zäntimeter lang un setzt si us 15 bis 40 ainzelne Bliete zämme, wu jedi us dr Agsle vun eme laubartige Dragblatt uusechemme. S Perigon isch hällgrienlächt geel un wyyst diräkt drunter e chelchartig "Usseperigon" uf, wu us drei Vorbletter bstoht. In dr Bliete het s segs Staubbletter un ai Fruchtchnote mit drei Narbe.

D Blietezyt isch vu Juni bis Augschte.

Vorchuu

Die Pflanzeart git s z Dytschland, in dr Schwyz un Eschtryych in dr Alpe un ihrem Vorland, collin (sälte) bis in di subalpin Stapfle.

D Simselielie wagst gärn uf Chalchbode, uf fyychte Matte, Quällflure, fyychte Felshäng un Niidermoos. Si giltet as Lädezaiger.

Sunschtigs

Dr Botaniker Karl Christian Gmelin het im zwete Band vu syyre Flora Badensis dr Simselilie dr Namme Hebelia allemannica gee as Ehrig fir dr Johann Peter Hebel.

Literatur

• Aichele, Schwegler: Unsere Gräser Ulmer, Stuttgart 1998. ISBN 3-440-07613-X
• M. A. Fischer, W. Adler & K. Oswald: Exkursionsflora für Österreich, Liechtenstein und Südtirol, Linz, 2005, ISBN 3-85474-140-5

Weblinks

• Gewöhnliche Simsenlilie. In: FloraWeb.de.