Giovanni Giacometti

Selbstporträt, 1909/10, Kunstmuseum Winterthur

Dr Giovanni Giacometti (* 7. Merz 1868 z Stampa; † 25. Juni 1933 z Glion) isch e Schwyzer Moler un Grafiker gsii. Är het zäme mit sym Kamraad, em Moler Cuno Amiet, dr Molstil vum Poscht-Impressionismus in d Schwyzer Chunscht yygfiert.

Lääbe

[ändere | Quälltäxt bearbeite]
Atelier Giacometti z Stampa, Inschrift uf em drittunterschte Balke

Dr Giovanni Giacometti isch s viert vu acht Chinder vum Alberto un dr Caterina Ottilia Giacometti-Santi gsii. Är het vu 1886 bis 1887 z Minche studiert un vu 1888 bis 1891 zäme mit em Cuno Amiet un em Andrea Robbi bim William Adolphe Bouguereau un em Joseph Nicolas Robert-Fleury an dr Académie Julian z Paris. Yyfliss uf sy Chunscht hän dr Fauvismus, dr Cuno Amiet, dr Paul Cézanne, dr Vincent van Gogh ghaa un am Aafang vor allem au dr Giovanni Segantini, wu ne ab 1894 z Maloja gferderet het. Um 1900 het er si vu dr divisionistische Molwys vum Segantini glest un het aagfange, dr poscht-impressionistisch Stil vu dr franzesische Molerei z ibernee.[1]

Dr Giacometti het anne 1900 d Annetta Stampa (1871–1964) ghyrote. Si hän zäme vier Chinder ghaa: Alberto (1901–1966), Diego (1902–1985), Ottilia (1904–1937) un Bruno (1907–2012). Bis 1904 het d Familie im Bärgdorf Borgonovo im Bergell gläbt, derno isch si in s noch gläge Stampa in e Huus zoge, wu dr Giovanni Giacometti dr Staal as Atelier brucht het. D Simmer het d Familie regelmäßig z Capolago bi Maloja verbrocht. Anne 1908 isch dr Giacometti yyglade wore, zäme mit dr Chinschtler vu dr Chinschtlergruppe Brücke z Dresden uuszstelle. In dr Johr 1906 bis 1911 het er im expressive Stil gmolt.[2] 1912 het er e Uusstellig im Chunschthuus Züri ghaa.[3]

Wäärch

[ändere | Quälltäxt bearbeite]

Zum Wäärch vum Giacometti ghere impressionisti Landschaftsmolerei un Porträt vu syre Familie un vu Lyt us dr Nochberschaft, wie zum Byschpel dr Moleri Elvezia Michel-Baldini. Dailwys sin syni Gmäld au im Stil vum Symbolismus ghalte. Syni Wäärch sin in dr maischte Schwyzer Musee verdrätte.

  • Segantini auf dem Totenbett, 1899
    Segantini auf dem Totenbett, 1899
  • Herbstabend, 1903
    Herbstabend, 1903
  • Das Brot, 1908
    Das Brot, 1908
  • Porträt Annetta Giacometti, 1911
    Porträt Annetta Giacometti, 1911
  • Familienporträt unter dem Holunderbaum, 1911
    Familienporträt unter dem Holunderbaum, 1911
  • Porträt Ottilia Giacometti, 1912
    Porträt Ottilia Giacometti, 1912
  • Capolago mit Blick auf den Corvatsch, um 1926
    Capolago mit Blick auf den Corvatsch, um 1926
  • Stillleben mit Plastik (Bildnis Alberto Giacometti), 1929
    Stillleben mit Plastik (Bildnis Alberto Giacometti), 1929

Literatur

[ändere | Quälltäxt bearbeite]
  • Giovanni Giacometti (1868–1933). Arbeiten auf Papier. Ausstellungskatalog, mit Texten von Ulrich Gerster, Christoph Vögele und Beat Stutzer. Ug. vum Kunstmuseum Solothurn un vum Bündner Kunstmuseum, Chur. Kehrer Verlag, Heidelberg 2006.
  • Elisabeth Ellenberger: Giacometti, Giovanni. In: Historisches Lexikon vo dr Schwiiz.
  • Dieter Schwarz, Paul Müller, Viola Radlach: Giovanni Giacometti 1868–1933. 3 Bände. Zürich 1996/1997 (Œuvrekataloge Schweizer Künstler, Band 16/I/II–1/2).
  • Christine E. Stauffer: Giovanni Giacometti. Das graphische Werk. Verlag Kornfeld, Bern 1997.
[ändere | Quälltäxt bearbeite]
 Commons: Giovanni Giacometti – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Hans Goltz
  2. ↑ Hans Goltz
  3. ↑ Viola Radlach: Giacometti, Giovanni. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
Dä Artikel basiert uff ere fräie Übersetzig vu dere Version vum Artikel „Giovanni_Giacometti“ vu de dütsche Wikipedia. E Liste vu de Autore un Versione isch do z finde.