Gregor VII.

Dr Gregor VII. uf ere Handschrift vom 11. Jahrhundert

Dr Gregor VII. (* um 1023 vermuetlich z Sovana i de Toskana; † 25. Mai 1085 z Salerno) isch Papscht vo 1073 bis 1085 gsi. Är gilt als eine vo de bedüütendschte Päpscht.

Als Mönch Hildebrand isch er länger im Reform-Chloschter Cluny gsii. Als Papscht het er denn diversi Reforme duuregsetzt, wo wiitgehend no bis hüüt Beschtand händ. So de Zölibat (d Ehelosigkeit vo de katholische Prieschter) und d Abschaffig vo dr Simonie (Handel vo geischtliche Ämter). Im Inveschtiturschtriit het er en Teilerfolg gege s düütsche Kaiser-/Königtum erziilt, wo nach lange Schtriitereie und wiit nach siim Tod im Wormser Konkordat vo 1122 feschtgschriibe worde isch, dass dr Papscht es gewichtigs Wort mitzrede het bii dr Inveschtitur (Iisetzig) vo de Bischöf. Vor em Gregor händ das d Kaiser vom Heilige Römische Riich in alleiniger Kompetenz gmacht.

Literatur

[ändere | Quälltäxt bearbeite]
  • K. Schib et al.: Weltgeschichte vom Mittelalter bis zur Frühneuzeit
  • Knaurs Lexikon - Das Wissen unserer Zeit
[ändere | Quälltäxt bearbeite]
 Commons: Gregor VII. – Sammlig vo Multimediadateie
Vorgänger
Alexander II. 		Papscht
1073–1085 		Nochfolger
Viktor III.