Hannover
| Wappe | Dütschlandcharte | |
|---|---|---|
|
| |
| Basisdate | ||
| Dialekt: | Niiderdüütsch | |
| Hauptvariante: | Weschtniiderdüütsch | |
| Regionalvariante: | Oschtfälisch | |
| Verbreitig: | gring | |
| Bundesland: | Nidersachse | |
| Regierigsbezirk: | Hannover | |
| Landchreis: | Region Hannover | |
| Höchi: | 55 m ü. NHN | |
| Flächi: | 204,1 km² | |
| Iiwohner: |
545.045 (31. Dez. 2022)[1] | |
| Bevölkerigsdichti: | 2670 Iiwohner je km² | |
| Poschtleitzahle: | 30001-30669 | |
| Vorwahl: | 0511 | |
| Kfz-Chennzeiche: | H | |
| Gmeischlüssel: | 03 2 41 001 | |
| Stadtgliderig: | 13 Stadtbezirk, 51 Stadtteil | |
| Webpräsenz: | ||
| Lag vo dr Stadt Hannover in dr Hannover | ||
 | ||
Hannover (IPA: [haˈnoːfɐ] oder [haˈnoːfər], uf Platt Hannober) isch d Hauptstadt vo Niidersachse in Norddütschland und mit rund 520.000 Ywohner die ölftgröschti Stadt vo Dütschland.
Geografy
[ändere | Quälltäxt bearbeite]
Hannover erstreckt sich uff re Flächi vo rund 200 km² und ligt 135 Kilometer südlich vo Hamburg, 100 Kilometer südöstlich vo Breme und 55 Kilometer westlich vo Braunschwyg.
Durchschnittlich ligt Hannover 55 Meter über em Meer. De diefst Punkt isch i me Naturschutzgebiet uff 44 Meter über em Meer, de höchst de Lindener Berg (118,2 Meter). Höcher wie säller isch numme de Berg vo de Mülldeponie, wo 121,3 Meter hoch isch.
Hannover isch in die folgende 13 Stadtdeil underteilt:
- Mitte
- Vahrenwald-List
- Bothfeld-Vahrenheide
- Buchholz-Kleefeld
- Misburg-Anderten
- Kirchrode-Bemerode-Wülferode
- Südstadt-Bult
- Döhren-Wülfel
- Ricklingen
- Linden-Limmer
- Ahlem-Badenstedt-Davenstedt
- Herrenhausen-Stöcken
- Nord
Die hän widderum einzelni Stadtteile, insgsamt 51.
Gschicht
[ändere | Quälltäxt bearbeite]Ersti Hywys uff e Sydlig in de Gegend vo Hannover git s uss em Johr 950. S isch dörtmols uss re hochwassergschützte Siedlig entstande und e Marktsiedlig gsi. De Marktplatz wird zum erste Mol 1150 erwähnt. 1241 hät Hannover s Stadtprivileg kriegt; sither gits au Bewys für e Rot uss zwölf Persone und zwei Bürgermeister. 1392 hät Hannover e Landwehr baut und e wirtschaftliche Uffschwung erlebt. D Ywohnerzahl isch uff 4000 gstyge.
Während em Drißigjöhrige Chrieg hät de Herzog Georg vo Caleberg Hannover im Johr 1636 zu siner Residenzstadt gmacht. De wirtschaftlig Uffschwung für di nächste 80 Johr isch uss de Gebäude bis hütt sichtbar.
Wyl Dütschland de Dütsch Chrieg verlore hät, isch Hannover zu Preuße übergange und Provinzhauptstadt worde. Durch den Aschluss an Preuße hät Hannover no mol e wirtschaftlichi Blytezit erlebt; d Ywohnerzahl isch zwüsche 1871 und 1912 vo 87.600 uff 313.400 gwachse.
Im Zweite Wältchrieg isch Hannover e wichtige Verkehrsknotepunkt gsi und vor allem wäge de Rüstigsbetrieb Opfer vo Luftagriff worde. Insgesamt sin im Zweite Wältchrieg z Hannover rund 6.700 Lüt umbrocht worde.
Wirtschaft
[ändere | Quälltäxt bearbeite]Industry
[ändere | Quälltäxt bearbeite]Verschiideni weltbekannti Industrybetriebe hän ihr Sitz in Hannover. Dodezüe ghöre unter anderem d Continental-AG, d Volkswage-Nutzfahrzüge, de Fahrzüghersteller WABCO und d Firma Pelikan inklusive Geha wo sit 1990 dezüeghört.
Messe
[ändere | Quälltäxt bearbeite]Hannover ghört zu de wichtigste Messestädt und hät s gröschte Messegländ vo de Welt. Pro Johr finde über 60 Messe statt, drunter d Computermess CeBIT und d Hannover-Mess. 2000 hät d Expo 2000 dört stattgfunde. D Messe werre jöhrlich vo 1,8 Millione Lüt bsüecht.
Medie
[ändere | Quälltäxt bearbeite]Hannover isch de Sitz vom Landfunkhus Niedersachse (NDR). De NDR produziert zum Bispyl s Programm Niedersachsen 19:30 und einzelni Folge vo de Krimiserie Tatort.
Di wichtigste Radiosender mit Sitz z Hannover sin NDR1 Niedersachsen, Hit-Radio Antenne, Radio ffn und s Lokalradio Radio Flora.
Verkehr
[ändere | Quälltäxt bearbeite]Stroße
[ändere | Quälltäxt bearbeite]Im Oste vo Hannover träffe d A2 und d A7 uffenand. D Stroße A 37, A 352, B 3, B 6, B 65, B 217, B 441, B 443 und B 522 verlaufe durch s Stadtgebiet. E baar vo denne sin au Deil vom U-förmige Schnällwäg-Netz.
Ysebahn
[ändere | Quälltäxt bearbeite]De Hauptbahnhof vo Hannover isch mit 250.000 Reisende pro Tag eine vo de fünf meistfrequentierte Bahnhöf vo Dütschland. S chrüze sich dört di wichtige Strecke Hamburg-Kassel und Dortmund-Berlin. S git no 10 Vorortbahnhöf meh, vier Gieterbahnhöf und zwei Betriibsbahnhöf.
S-Bahn und Bus
[ändere | Quälltäxt bearbeite]Z Hannover git s e güet usbauts Stroßeverchehrsnetz. Durch di ganzi Stadt verlaufe zwölf Stadtbahn-, acht S-Bahn- und 150 Buslinie. Si ghöre alli de üstra und de RegioBus und gwährleiste de öffentlig Personalverchehr in Hannover und Umgebig.
Schifffahrt
[ändere | Quälltäxt bearbeite]De Mittellandkanal verbindet Hannover mit em Ruhrgebiet, Hamburg und Berlin. D Schleuse Anderten (Hindenburgschleuse) überwindet in zwei Schleusekammre e Höchedifferenz vo 14,7 Meter.
Sehenswürdigkeite
[ändere | Quälltäxt bearbeite]- In de Altstadt isch d Marktchirch uss em 14. Johrhundert mit Marktplatz und Marktbrunne.
- D Krüzkirch hät e wertvolles Altargmäld.
- De Bergineturm am historische Museum isch s einzige mittelalterliche Bauwerk wo vollständig erhalte isch.
- D Neustädter Chirch uss em Barock und Basilika St. Clemens (beidi in de Caleberger Neustadt) sin die erschte Bauwerke vo noch de Renaissance.
- S Neue Roothus vo 1913 isch im Styl vom Eklektizismus baut worde. Im Summer cha di fast 100 Meter hochi Kuppel vo Bsüecher erreicht werde. S git e ussergwönlige Kuppeluffzug.
- De Zoo Hannover hät 1,2 Millione Bsüecher pro Johr. S git über 220 Tierarte und rund 1800 Tier.
Sprooch
[ändere | Quälltäxt bearbeite]Es ghört zue dr populäre Irrtümer iber die dytsch Sproch, dass so wie Französisch Sproch sich ussem Dialekt vu dr Stadt Paris oder Italienisch sich ussem Dialekt vu Florenz entwicklet het, Nejhochdytsch sich ussem Dialekt vu dr Stadt Hannover entwicklet häb.
Säll isch aber falsch. Neihochdytsch isch e Kunschtsproch us süd- und middeldytsche Dialekte mit norddytscher Ussproch un starch latinisch beiflusster Grammatik.
Hannover lit im klassische Verbreitigsbiet vu dr niiderdytsche Sproch un dr ald hannoveraner, plattdytsch Dialekt ghört zum Oschtfälische.
Z Hannover isch aber die plattdytsch Sproch scho am Afang vum 20. Johrhundert so guet wie verschwunde, so dass d'Umgangssproch sich starch am Standard orientiert, mit typisch niiderdytscher Ussproch.
Weblink
[ändere | Quälltäxt bearbeite]
Commons: Hannover – Sammlig vo Multimediadateie