La Habana | |
---|---|
Koordinate: 23° 7′ N, 82° 23′ W
La Habana uf dr Charte vo Erde
| |
Basisdate | |
Staat | Kuba |
Browinz | La Habana |
Stadtgründig | 16. Novämber 1519 |
Iiwohner | 2.121.871 (2014) |
Stadtinsignie | |
Detaildate | |
Flechi | 728,26 km² |
Bevölkerigsdichti | 2092,0 Ew./km2 |
Höchi | 59 m |
Stadtgliderig | 15 Bezirk |
Gwässer | Floridastroß, Río Almendares |
Postleitzahl | 10200, 10900, 10100 |
Vorwahl | (+53) 7 |
Zitzone | UTC−5 |
Stadtvorsitz | Marta Hernández Romero (PCC) |
Stadtpatron | San Cristóbal |
Kwälle:[1][2] | |
Havanna |
Havanna (spanisch La Habana) isch d Hauptstadt vu dr Republik Kuba un glychzytig e aigeständigi Browinz. Mit rund 2,10 Millione Yywohner un ere Flechi vu 728,26 km² isch si no dr Yywohnerzahl un au no dr Flechi di grescht Metropol vu dr Karibik. D Stadt isch s bolitisch Zäntrum vum Land un Sitz vu dr Regierig, vu vyl Minischterie un Unternähme un vu iber 90 Botschafte. Syter 1982 isch d Altstadt, La Habana Vieja, UNESCO-Wältärb.
D Stadt gränzt im Norde an dr Atlantisch Ozean bzw. d Stroß vu Florida un lyt sidlig un weschtli vu dr Bucht vu Havanna („Bahía de La Habana“). Dr Fluss Río Almendares goot vu Süde no Norde dur d Stadt un mindet schließli weschtli vu dr Bucht in d Floridastroß. In Bucht, wu eschtli vum Zäntrum lyt, het s di drei große Hääfe vu dr Stadt: Marimelena, Guanabacoa un Atarés.
Havanna isch anne 1519 vu de Spanier grindet wore wäg dr strategisch ginschtige Lag fir s spanisch Kolonialrych. D Stadt het as Angelpunkt dient, vu do isch d Eroberig vum Kontinänt dur d Spanier uusgange. Dr Philipp II. vu Spanie het Havanna anne 1592 s Stadträcht gee, Havanna isch aber scho syter 1552 d Hauptstadt vu Kuba. Dr Undergang vum Schlachtschiff USS Maine im Haafe vu Havanna im Johr 1898 isch dr diräkt Uusleser vum Spanisch-Amerikanische Chrieg gsii.
Dä Artikel basiert uff ere fräie Übersetzig vum Artikel „Havanna“ vu de dütsche Wikipedia. E Liste vu de Autore un Versione isch do z finde. |